Kongregasaun SVD TL Lakon Pe. Ferdinand Resuena.

Naunil Média (Dili), Kongregasaun Societas Verbi Divini (SVD) iha Timor-Leste (TL)  lakon Pe. Ferdinand D. Rusuena, Ne’ebe matenek ho badinas no serbí lahatene tempu.

“Loos duni ami sente lakon duni tanba Amu ida ne’ebé enerziku, forsa, matenek, badinas atu serbí lahatene tempu lakon ona forsa maibé nafatin serbí”, Dehan Regional SVD iha TL Pe. João Subang, ba jornalsita sira, hafoin misa requem ba ba Pe. Ferdinand Resuena, iha kuluhun, (14/10).

Pe. Subang hatutan, sente lakon duni, tanba kna’ar misaun iha area barak no Amu barak mós katuas ona no balun dadaun ne’e sei estuda hela.

“Liu-liu ami sente ami nia kna’ar misaun ne’e iha area barak no Amu balun katuas ba daudaun balun ba estuda sementara hanesan ne’e ita espera ajuda nia lakon nia bá ne’ebé sementara ne’e mós ami nia Amu lulik foun sira mós la mai tanba Covid”, tenik Regional SVD

Pe. João haktuir,  sira lakon tanba fatin barak mak falta misionariu Amu lulik atu serbí hanesan parokia, Tanba parokia hira kedas hela de’it ida komisaun sira lala’o tanba ema menus.

Nia esplika, ohin sira halo misa no sira hakarak loke lai tuir loloos sira bolu de’it Madre sira no joven ba Kristu balun maibé barak hakarak mai misa, no sira mós iha planu katak bainhira seidauk muda funeral final nian ne’e sei iha misa.

Tanba ne’e nia husu ba grupu balun hakarak mai misa bele mai misa depois funeral ne’e sei rona husi Filipina provínsia iha ne’ebá mak sei deside bainhira, depende ba prosesu kremasia hahú ohin loraik ne’e depois aban kontinua bainhira hotu ona mak sira marka.

Iha fatin hanesan Misionariu Lokál kaben nain ba Kristu Aleixo Pereira, agradese ba kongregasaun SVD tanba bele husik Amu Ferdy iha sira nia leet too ohin loron misaun buras.

“Ha’u hanesan Representante komunidade kaben nain ba Kristu agradese ba kongregasaun SVD ne’ebé ami nia agradese lahatene atu halo oinsá mak di’ak maibé ami obrigadu tebes tanba Amo Ferdy nia prezensa iha ami nia leet ohin loron misaun buras”, Dehan Aleixo Pereira. Jos