Esforsu TL Kontra Covid-19, Hetan Plauda Husi Nivel Internasional.
Naunil Media (Dili), Reprezentante Fundus Nasoens Unidas ba Labarik (UNICEF), iha Timor-Leste (TL), Bilal Durrani, hateten, Governu TL nia aksaun kritiku no isin moris hodi hapara transmisaun covid-19 hetan apresia no aplauda la’os de’it husi ita iha ne’e, Maibe mos iha nivel internasional.
“iha tempu ne’ebe Governu barak mak faila hodi responde neneik ka laiha liu, Maibe governu TL nia aksaun kritiku no isin moris hodi hapara transmisaun Covid-19, hetan apresia ho plauda husi Nivel internasional,” Dehan Reprezentante UNICEF iha TL, Bilal Durrani, nia diskursu iha SAMES, hafoin entrega ekipamnetus Ultra-Malirin ba MS, segunda, (18/10).
Reprezentante UNICEF dehan, TL la’os de’it atinji 64.4%, husi populasaun tinan 18 ba leten, maka simu ona ona pelumenus vasina doze dahuluk, redus ona ho susesu propagasaun ka transmisaun ka virus ne’e molok variante delta aumenta iha fulan agostu.
Bilal mos afirma ho lider karismatiku husi Primeiru Ministru (PM), Taur Matan Ruak, nia vizaun no halibur ita hotu serbisu hamutuk.
” Buat hirak ne’e ita sei susar atu atinji, se karik ita laiha lideransa karismatiku hosi PM, Taur Matan Ruak, define ona ita nia vizaun no halibur ita hotu atu hamutuk serbisu hamutuk maka’as tebes, nia rezultadu mak ohin loron ita hare ho matan,” tenik nia.
Hato’o mos saudasaun ba kordenasaun Ministeriu Solidariedade Sosial no Inkluzaun (MSSI), Armanda Berta, dedikasaun boot servisu maka’as husi Ministra Saude (MS), Odete Maria Belo.
Agrades mos ba heroi barak serbisu iha sistema saude no lina frente sira seluk, ba sira nia komprimisiu atu mantein rai ne’e seguru. Dehan Reprezentante Unicef Bilal. Latu
