FEATUREDIkus LiuNewsSaude

Unicef Entrega Frigorifiku Ultra-Malarin, Armazen Vasina Ba MS

Fahe Tutan
Foto Naunil Media Analizio , Ministra Saude ho Enkaregadu Embaixada Amerika Iha TL Reorezentante Unicef no Reprezrntante OMS

Naunil Media (Dili), Fundus Nasoens Unidas ba Labarik (Unicef Sigla Ingles), entraga ofisialmente entrega frigorifiku Ultra-Malirin haat hodi armazen vasina covid-19 ba Ministeriu Saude (MS), nia fasilidade saude armazenamentu seribisu Autonomu  Medicamentus e ekipamentus saude (SAMES).

Tanba ekipamentus ne’e bele permite armazen SAMES vasina Pfizer BionTech maka presiza armazenamentu ho temperatura ultra-malirin, atinji grau selsiu negativu 86.

Iha serimonia ne’e Frigorifiku temperatura ultra-malirin ne’e entrega Direitamente ona ba Minitra Saude Odete Maria Freitas Belo, Husi reprezentante, Unicef iha Timor-Leste, Bilal Durrani, Iha Sames, segunda, (18/10)

Vasina Pfizer BioNTech doze hamutuk 100,620 lote dahuluk to’o Timor-Leste iha loron, (16/10).

Minitra Saude Odete Maria Freitas Dehan, Unicef apoia ona MS ho SAMES ba nia instalasaun, manutensaun no atualiza sistema armazenamentu korenti malirin no sistema distribuisaun tinan barak ona ne’ebe ajuda armazen no distribui ona vasina covid-19 rutina laho interupsaun.

” Frigorifiku sira sei ajuda ita nia armazen ho seguru vasinasaun Pfizer BioNTech sira ho tempertura lolos, no permite ita atu implementa kampana vasinasaun ba labarik sira ho tinan 12 to’o 18 mai kraik.” Tenik nia.

Iha fatin hanesan Reprezentante Unicef iha Timor-Leste Bilal Durrani, argumenta, Armazen no transporta vasina sira ho temperatura lolos mak fundamental atu salva labarik no adultu sira husi moras potensialmente fatal.

” Unicef orgulu apoia Timor-Leste tinan hirak ne’e liu husi intalasaun sistema korenti malirin iha pais ida ne’e ba imunizasaun rutina no mos ba vasinasaun Covid-19,” Haktuir nia.

Nia akresenta, Eleva ona kapasidade korenti malirin iha pais ida ne’e ba nivel aas ho instalasaun ho sistema korenti ultra-malirin ba primeira vez, hahu husi SAMES ita sei habelar gradualmente sistema korenti -Malarin ba parte sira seluk iha pais ne’e.

Ikus liu nia hateten, Unicef sei hola frigorifiku temperatura ultra-malirin adisional 16 ba MS, ho fundus husi Governu Australia, Sei instala iha armazen rejional sira. Latu

Leave a Reply

Your email address will not be published. Required fields are marked *