BTL,ep Labele Rezolve Be’e Mos, “Khunto” Husu MOP Di’ak Liu Taka
Naunil Média (Díli), Deputadu Bankada Kmanek Haburas Unidade Nasionál Timor-Oan (KHUNTO), Irene Gonzaga, husu ba Ministeriu Obras Publika (MOP), atu taka Be’e Timor-Leste (BTL,ep), tanba la konsege rezolve problema bee mos iha rai laran.
“sé BTL,EP la’o ladun ladi’ak, taka tiha deit e muda fali ba diresaun servisu agua saneamentu de’it atu nune’e labele difikulta ita nia ema”, Dehan Deputada Irene, iha sala plenária Parlamentu Nasional, tersa,(19/10).
Nia haktuir, públiku tomak hatene Servisu Agua no Saneamentu (SAS), kuandu seidauk transforma ba BTL, bee-moos ne’e la’o di’ak.
“Agora dadauk transfere tiha ba BTL,ep kuaze maioria ema la asesu ba bee, la’ós iha Dili de’it, maibé iha Munisípiu 13 ne’e hotu,” Tenik nia.
Bankada KHUNTO, husu ba MOP atu tau matan ba ida ne’e, tanba uluk sei Servisu SAS, ema hetan bee-moos halo mudansa tiha ba BTL,ep, ema barak mak la asesu fali ba bee-moos.
Nia deklaraz tuir loloos Governu halo mudansa atu povu bele asesu ba bee-moos ho di’ak, maibé na realidade la akontese.
hanesan reprezentante povu sente triste tebes hodi haree situasaun sira hanesan ne’e afirma nia. Ana
