CNRT: Berlin Ramelau Labele Mai TL, Seidauk Finaliza Pagamentu
Naunil Média (Díli), Ministeriu Transporte Komunikasaun deklara ona ba publiku katak, Ro berlin ramelau sei mai Timor-Leste iha fulan tinan ne’e.
Maibe Deputadu bankada, Congressu Nasional Rekonstrusaun Timorense (CNRT), kestiona, Governu TL liu husi MTK seidauk finaliza pagamentu ba Ro refere, ne’ebe atu lori mai TL iha fulan setembru tinan ne’e.
“Horisehik kalan ita nia diresaun sira iha Aportil hatete katak, Ró ne’e seidauk bele mai, tanba Governu seidauk selu hotu”, Dehan Deputada Maria Verginha, iha sala plenária PN, Tersa, (19/10).
Tanba ne’e, informasaun ne’ebé mak CNRT simu husi Autoridade Purtuáriu Timor-Leste, institutu Públiku (APORTIL.ip) katak, Ró Berlin Ramelau dadaun ne’e seidauk bele lori mai, tanba Governu seidauk selu hotu.
Nia dehan,asuntu ida ne’e, Pozisaun CNRT dúvida tanba MTK rasik deklara tiha ona iha fulan kotuk ba, dehan Ró Berlin Ramelau iha ona prosesu atu lori mai TL fulan- setembru nia laran.
Tanba ne’e CNRT, sente preokupa ho ida ne’e, bainhira ro ne’e kontinua la mai.
Ho ho ida ne’e sei difikulta povu Ataúro ho Rejiaun Administrativa Espesial Oekusi Ambeno (RAEOA) atu hala’o viajen ba mai.
Bankada CNRT husu ba Governu atu buka mekanizmu no maneira oinsá rezolve situasaun ida ne’e ho nune’e labele kontinua hela ho kondisaun ida ne’e. Ana
