FEATUREDGeralIkus LiuNews

Joaquin: Vitima Inundasaun Seidauk hetan Apoiu Iha Lista Reklamasaun

Fahe Tutan

Naunil Média (Díli), Sekretáriu Estadu Protesaun Sivil (SEPS) Joaquin Gusmao hatete, Vitima Inundasaun ne’ebe mak seidauk hetan apoiu  bele tama iha lista reklamasaun.

” SEPS nia apoiu ba  ita nia Komunidade Vitima Inundasaun, lista mai ne’e husi xefe suku sira ne’ebe mak konese sira nia Komunidade, husi dadus ida ne’e mak ita fo apoiu”, Dehan Joaquin Gusmao ba Jornalista sira hafoin enkontru ho Parseiru Internasional sira, iha sala enkontru UN House, Kaikoli, Segunda (18/10).

Nia haktuir, ,Karik Komunidade balu seidauk konsege tama iha lista ida Xefe suku sira halo ne’e, bele tama iha lista reklamasaun, tanba ida ne’e sira nia direitu, nune’e governu tenke apoiu

“Ita iha lista reklamasaun agora dadaun ita sei apoiu nafatin ba reklamantes sira “,cTenik nia

Nia esplika, hanesan foin lalais iha Vitima Inundasaun balu tama iha lista reklamasaun, Ita fo apoiu iha, hanesan iha munisipiu Liquisa no iha kampu Alor,   hamutuk 300 mak ita apoiu ona.

“Total numeru ha’u seidauk hatene lolos, maibe  lista reklamasaun ne’ebe mak ikus mai Ita simu ne’e entre 3 mil to’o 4 mil familias”, Katak nia. Ana

Leave a Reply

Your email address will not be published. Required fields are marked *