“Moe Laiha” Membru Governu Nain Hitu, Hadau Malu Ba Dubai

Naunil Média (Díli), Deputada Bankada Opozisaun Congresso Nacionál Reconstrução de Timór (CNRT), Maria Virgínia Ana Belo, lamenta membru Governu na’in-7 ne’ebé hadau malu ba partisipa Expo-Dubai iha Uniaun Emiradu Árabe (UEA), tanba moe laiha.

Bankada CNRT lamenta tebez  liga ba delegasaun bo’ot, Membru governu nain hitu ho nia delegasaun hamutuk ema 120 ba dubai, tanba ne’e atu kestiona sira la importa, importante ba sira ba Dubai

Deputada Bankada CNRT, Virgina Ana, Kasu lia hirak ne’e, ba jornalista sira iha, sala plenaria PN, Tersa, (19/10).

“Hau talvés bele kompriende membru Governu sira ne’e,  buat ida moe ne’e kotu tiha ona, tanba ne’e mak  ema atu ko’alia mós sira la importa, importante mak sira ba tiha duni,” nia haktuir.

Nia kestiona la kona-bá Expo- Dubai, maibé kestiona mak ekipa sira ne’ebé partisipa expo ne’ebarak demais.

 ” Pior liu mak ekipa sira ba Dubai, Ministru ho Vise Ministru, Sekretáriu Estadu sira hamutuk ba hasoru de’it embaixadór UEA,” Virgina esplika.

Lahatene intensaun saida mak ida ne’e, maibe preokupante teb-tebes la’ós de’it na’i deputadu sira mais sosiedade sivíl, ema hot-hotu preokupa ho atitude sira hanesan ne’e.

Nia mos  kestiona, problema seluk ne’ebé CNRT rona mak kona-bá mala (kaixa), tanba dehan dau-daun ne’e sira to’o tiha ona Portugál mós mala seidauk to’o. 

“Ida ne’e mak sai preokupasaun ba ita tanba ita lakohi atu hatete dehan ida ne’e lalos no ida ne’eba mak loos.

Maibé ida ne’e mak realidade agora akontese”, nia hakotu.Ana