FEATUREDGeralIkus LiuNews

SEPS Enkontru ho Parseiru Internasional, Planu Evakuasaun Vitima Inundasaun

Fahe Tutan

Naunil Média (Díli), Sekretáriu Estadu Protesaun Sivil (SEPS), Realiza reuniaun nivel altu ho Parseiru internasional no embaixada ho ajensia internasional sira inklui NGO internasional no nasional,  kona-ba Planu evakuasaun ba vitima inundasaun ba sentru akollimentu ne’ebe identifka ona.

“Ohin SEPS realiza reuniuan nivel altu hamutuk ho parseiru internasional sira no embaixada internasional sira no korpu diplomata sira no mós NGO internasional no nasional sira ne’e mak durante  apoiu servisu hamutuk ho SEPS, hodi hasoru dezafiu hanesan dezastre naturais ne’ebe akontese iha loron (4/04/2021),  “,Dehan Sekretariu Estadu Protesaun Sivil, Joaquin Gusmao, ba Jornalista sira hafoin enkontru ho Parseiru internasional sira iha sala enkontru, UN House Kaikoli, Segunda, (18/10)

Nia hateten, iha reuniaun  ne’e hanesan reuniuan ne’ebe preparativa ba dahuluk, oinsa  bele hato’o ita nia agradesimentu ba iha parseiru sira ne’ebe apoiu  umanitariu ba iha  okaziaun dezastre Naturais.

“Tanba durante akontese dezastre naturais ne’e ita nia parseiru  Internasional sira hamutuk ho SEPS,  hodi apoiu sasan umanitaria ba Vitima Inundasaun sira”, Tenik Nia.

Nia fundamenta, iha reuniaun ne’e mos  fo hatene ba parseiru sira katak tenke prepara ona, bazeia ba ita ninia esperensia iha 4 abril.

“Ita tenke prepara di’ak liu tan, ho ita nia planu emergensia, no mós ho ita nia ekipa emergensia nian, bele halo servisu,” nia esplika

Joaquin haktuir, iha reuniaun ho parseiru internasional sira no nasional sira, no sei Kontinua halo reuniaun ho ekipa tekniku emergensia nian, hodi bele indentifika saida mak Ita tenke prepara hodi halo servisu.

“Entaun ohin ita halo Reuniaun ba dahuluk iha nivel altu nian no sei kontinua iha reuniaun nivel tekniku nian, hodi bele identifika saida mak ita atu halo ba vitima Inundasaun sira”, nia Sublina.

Enkuantu iha akontesimentu inundasaun 4 abril iha Parseiru barak tebes mak apoiu ba vitima Inundasaun sira,hanesan Embaixadór sira no ngo nasional no internasional sira no mós ajensia internasional sira no setor privadu sira.

Iha fatin hanesan, Koordenador United Nations iha Timor Leste,  Hermanus Roy Trivedy hateten, Estadus Unidus  iha Komitmentu forte atu ajuda governu TL durante Akontese dezastre naturais.

“Ohin no aban ami konsentra relasaun durante akontese inundasaun iha 4 arbril, atu melhora no aumenta  fortifika resposta ba dezastre naturais no inundasaun no Situasaun emergensia”, Haktuir niaNia afirma, Estadu Unidus iha Komitmentu forte atu ajuda SEPS no mós governu Timor-Leste durante periodo Inundasaun. Ana

Leave a Reply

Your email address will not be published. Required fields are marked *