Vitima Inundasaun 69 Hakarak Muda Ba Bairu Foun

Naunil Média (Díli),Sekretariu Estadu Protesaun Sivil (SEPS), Joaquin Jose Gusmao dos Reis Martins, hateten, Vitima Inundasaun iha sentru evakuasaun ne’en iha Munisipiu Dili hamutuk na’in 69 mak hakarak atu muda ba Bairu foun ne’ebe VIII Governu Desidi ona.

“Iha opsaun ida vitima sira ne’ebe hakarak muda fatin, opsaun ba vitima sira ne’ebe hakarak muda ne’e momentu ita iha ona 69 familia mak atu muda”, Dehan Joaquin Gusmao, ba jornalista sira, hafoin enkontru ho Parseiru Internasional sira, iha sala enkontru Campaun UN, Kaikoli, Segunda(18/10)

Nia haktuir, ,Vitima sira hakarak muda los duni, ita bele muda sira ba fatin ne’ebe seguru ba familia, no fatin ne’ebe mak indentifika ona ba familia Vitima sira.

“Maibe sira hakarak atu hela fali iha Bairu foun, ne’e la to’o ona SEPS ninia domina Servisu nian”, Nia Esplika.

Joaquin haklean, servisu SEPS nian mak atu lori sira ba fatin ne’ebe seguru,hanesan agora dadauk Vitima sira iha hela Fatin evakuasaun nian.

“Vitima sira ne’ebe iha sentru evakuasaun sira, nian uma la ejisti tiha ona, sira ne’ebe mak hela iha mota laran, no sira ne’ebe mak hela iha foho lolon”, Nia esplika.

Sekretariu Estadu Protesaun ne’e afirma, Atu muda vitima Inundasaun sira,  tenke hatene lai fatin ida ne’ebe, se sira hakarak muda ba iha sira nia familia nia uma, no vitima sira ne’ebe hakarak muda ba munisipiu Ita husik”.

Dadus aktual Vitima Inundasaun iha sentru evakuasaun  iha dili hamutuk 69 mak hakarak atu muda.

Vitima Inundasaun sira hakarak muda,iha sentru evakuasaun ne’e iha familia Vitima to’o 131 to’o 135 familias, iha famili 69 mak prontu atu muda.

Antes ne’e Governu liu husi Ministeriu Justisa no Sekretariu Estadu Terras no Propriedades planeia ona atu muda vitima sira ne’e, ba iha bairu foun iha fatin tolu ne’ebé Governu prepara ona hanesan, Tibar, Hera no Beduku.

Entretantu sentru evakuasaun neen mak sei ativu iha Dom-Bosco, Manleuana iha Rate Ain, iha Kampu Manleu nian, Hera no mós iha Restaurante Metiaut. Ana