Membru FDTL Foun Nain ida Halai Lakon Iha Metinaru
Naunil Média (Dili), Ohin loron (20/10/2921), Kadetes foun Falintil-Forsa Defeza de Timor-Leste (F-FDTL), nain ida halai lakon iha Metinaru, tanba la aguenta ho instrusaun Militar.
“Ha’u hakarak informa ba ita boot sira katak membru F-FDTL foun ida, ohin halai sai tanba la auguenta instrusaun militar nian, agora ba subar iha ne’ebé lahatene,” Dehan Vise Xefe Major General,”Falur Rate Laek” ba Jornalista bainhira remata hasoru malu ho Prezidente Repúblika Francisco Guterres “Lú-Olo” iha palásiu Prezidente, Kuarta, (20/10).
Nia haktuir, ema balun detekta karik ajuda fo informasaun para ami ba kaer halo prosesu ba iha públiku nune’e transparente.
Falur informa, tanba materia sistematijadu kadetes ida halai sai ne’e sei kaptura, posibilidade bele hatama fali rezerva.
Vise Xefe Estadu ne’e hateten, kadetes foun 600 ne’e balun kolen, fraku, aleizadu, no la auguenta maibe ne’e tenke treinu.
Nia esplika, desde sei joven no sei iha ai-laran terus ba luta to’o ohin loron sira hatais farda tanba ne’e sakrifisiu boot ida.
“Desde ami nia Juventude iha ne’ebá terus, luta, to’o ohin loron maibe atu hatais farda ida ne’e la’ós halimar ne’e sakrifisiu boot, sira balun la auguenta maibe ami treinu sira”, tenik nia.*Jos
