Membru Governu Nain Hitu “Laiha Moral” FONGTIL Sei Keixa Ba CAC
Naunil Media (Dili), Relasiona ho Membru Governu nain Hitu ho nia funsionarius hamutuk 120 ba partisipa expo iha Dubai, laiha moral, aproveita oportunidade gasta povu nia osan.
Nune’e iha semana ne’e Forum Organizasaun Naon Governamental Timor-Leste (FONGETIL), sei buka tuir evidensia hodi halibur, no sei keixa ba Comisaun Anti Corupsaun (CAC), tanba konsidera Membru Governu hirak ne’e, gasta arbiru de’it povu nia osan, konsidera hamosu mos prezuizu ba estadu ida ne’e hanesan krime.
Diretor Ezekutivu FONGETIL, Daniel dos Santos Carmo, Konfesa lia hirak ne’e, ba jornalista sira, iha salaun, FONGTIL, (18/10).
” Entaun ida ne’e ami hare katak prejuizu ba estadu gasta arbiru deit osan, nune’e iha semana ida ne’e sei buka evidensia halibur no sei keixa direita ba CAC, hanesan sidadaun ami deskonfia katak viagen governante nain hitu hamutuk ho nia ema 120 ne’e, hamosu prejuizu ba estadu ida ne’e hanesan krimi, halakon rekursu estadu nia ho intensaun aseguradu lei ne’e krimi,” Tenik Daniel
Nia haktuir, dadaun ne’e buka hela evidensia atu identifika funsionariu sira nebe mak ba nia identidade no buka hela presu bileti aviaun nian husi ajensia sira hodi hetan komparasaun prejuizu ba estadu ne’e atu nunee bele sai evidensia ba FONGTIL atu lori ba CAC.
” Ita lori ba CAC tanba CAC la servisu mesak atu kombate korupsaun papel sosiedade tomak nian importante tanba ne’e mak CAC nia simbolu tau matan ba ida deit hodi hare ba populasaun sosiedade sivil no media sira,” Nia afirma
Iha semana ida ne’e lori ekipa sira ne’ebe viajen ba keixa iha CAC ho formal.
Nia esplika liu tan, sidadaun iha direita prejuizu ba estadu atu hare husi bileti ba ema ida mil dolar timor ho Dubai ba mai ne’e signigika sentu vinte mil ba deit bileti, seidauk osan viajen, se Ministru sira mak ba sa’e aviaun iha VIP nia bileti bele karun liu tan entaun ami mos kestiona Ministru sira.
Entertantu Ministru sira ne’ebe mak ba iha dubai hamutuk ema nain 7 mak hanesan ; Ministru Transporte telekominikasaun, Ministru Agrukultura, Ministru petrolium, Ministru Negosiu Estranjeiru no Koperasaun ho nia vise, no MEKAE ho nia vise,
Atu kombate Membru governu ne’ebe oportunista hakarak aproveita oportunidade hodi uja rekursu ba halo viagen ba situasaun ida ne’ebe povu sofre hela. INA.