RTTL-Tatoli, Preparadu Liu Iha Midia Sira Seluk, Kobertura Kompresivu
Naunil Media (Dili), Conselhu Impressa (CI), hare’e liu ba Midia, Radio Televisaun Timor-Leste (RTTL,ep), ho Agensia Tatoli Notisioja, tanba midia rua ne’e instituisaun estadu nian.
Nune’e Midia rua ne’e tenke peparadu liu iha Midia sira seluk nian atu fo kobertura kompresivu iha periodu hotu-hotu.
Prezidente CI, Virgilio da Silva Guterres, Kasu lia hirak ne’e, ba jornalista sira, iha salaun Pusat Budaya, (20/10).
” Hau hanoin situasaun ida ne’e CI hare liu ba RTTL-EP ho Tatoli.IP, tanba media rua ne’e instituisaun estadu nian no midia publiku nian, entaun sira mak preparadu liu iha media sira seluk nian, atu fo kobertura komprensivu ba iha periodu hotu-hotu, husi kampania Elisaun Prezidensial ho Parlamentar,” Dehan Virgilio.
Tanba Midia sira seluk mos hatudu ona sira nia preforma ne’ebe diak iha kobertura.
Nia Esplika, importante mak atu prepara kondisaun rekursu umanus jornalista sira nian adekuadu atu hato’o notisia sira ne’ebe ho balansu, atu labele mosu kritikasaun ne’ebe mak maka’as liu husi politika no partidu politiku. Tanba sira sempre buka atu hatun malu, entaun ita buka oinsa atu netraliza, maibe netraliza la’os katak atu subar infirmasaun, no ita buka lia fuan ne’ebe atu eduka ita nia povu hau hanoin ida ne’e ba media hotu-hotu.
“Liu-liu ami nia atensaun liu ba media RTTL-EP ho Tatoli,IP, CI sei halo diskusaun ho STAE no CNE kodigu konduta saida mak media sira presija, halo kobertura durante Eleisaun nia laran,” Haktuir Nia
Ho ida ne’e CI konsege buka ona oinsa jornalista sira hetan direitu vota iha fatin kobertura nian.
Tanba uluk jornalista sira tenki fila ba sira nia fatin rejistu mak foin tuir vota, maibe dadaun ne’e jornalista ho fiskais no polisia sira bele vota iha fatin kobertura ne’ebe deit, INA,
