Biti Instrumentu Timoroan Mak Produs Rasik, La’ós Uza Tur No Toba De’it
Naunil Media (Dili), Biti ne’ebe grupu dansa kultura uza ba dansa expozisaun iha Dubai, hetan reasaun maka’as iha publiku liu liu iha media sosial Facebook ne’ebe sai viral los.
Nune’e Xefe Delegasaun atuál Ministru Koordenadór Assuntus Ekonómikos (MKAE), Joaquim Amaral, klarifika katak, biti la’ós atu uza ba tur no toba de’it, maibé bele uza bá dansa no sama háre tuir tradisaun no kultura Timor-Leste (TL) nian.
” Biti ne’ebé grupu dansa kulturál sira uza ba dansa iha Expo Dubai ne’e hanesan instrumentu materiál ida ne’ebé TL rasik mak prodús, no mós Timoroan sira rasik mak uza hodi halo aprezentasaun liu husi dansa kulturál iha Expo Dubai,” Dehan Ministru Joaquim Amaral, iha Aeroportu Internasional Nicolau Lobato, hafoin fila husi Dubai, (21/10).
Nia esplika, Biti ne’e instrumentu ida nia material ne’e halo iha TL,l Timoroan sira mak halo, nia utilizasaun ne’e mós la’ós hodi toba de’it, hodi han, hodi sama háre hodi halo buat hotu, ne’ebé hanoin katak, Timoroan hotu-hotu hanoin katak, biti hodi toba de’it hanoin nia foin mai Timor karaik,”
Governante ne’e hatutan, grupu artista sira ne’ebé uza biti ne’e, komisaun organizadora halo selesaun bazeia bá zona turístiku tolu kompostu husi zona leste, sentrál no oeste ne’ebé potensiál bá sentru turístiku iha TL.
Xefe Delegasaun nafatin apresia grupu dansa kultural husi zona turístika tolu ne’e, tanba ho kreatividade ne’ebé iha, konsege hatudu ona iha Expo Dubai.
“Saida mak sira halo ita apresia ho esforsu no kreatividade ita louva ho esforsu ne’ebé sei iha ho limitasoens tempu ne’ebé badak, tanba restrisaun Covid-19 ita labele mobiliza rekursu ne’ebé boot liu ida-ne’e, maibé sira konsege uza optimaliza rekursu ne’ebé iha hodi hala’o aprezentasaun hodi reprezenta Timor-Leste,” haktuir nia.
Nia apela, sei iha eventu barak tan fi’ar katak, grupu sira seluk ne’ebé la konsege bá, bele halo preparasaun di’ak liután, nune’e bele selesionadu atu bele hatudu dansa di’ak liután iha futuru.
Expozisaun Dubai 2020 ne’e sei remata iha loron 30 fulan Marsu tinan 2022. Latu
