Sistema Judisiariu TL La’o Di’ak, Presiza Aumenta Rekursu Umanu

Naunil Média (Dili), Prezidente Asosiasaun Magistradu Judisial Timor-Leste (AMJTL) Antonino Goncalves informa, Presiza hadi’a no aumenta rekursu humanu, no sentru formasaun judisial, atu rezolve problema la’os atu sobu.

” Kazu pendente ne’ebé iha ne’e normál, tanba ho situasaun Covid-19, tanba rekursu umanu la to’o, nune’e tenke hadia no aumemta rekursu umanu, nune’e Sentru formasaun judisial agora rekruta tan Juiz foun, atu rezolve problema sira ne’e la’ós atu sobu,” Dehan Prezidente AMJTL ba Jornalista sira, bainhira remata hasoru malu ho Prezidente Repúblika PR Francisco Guterres “Lú-Olo” iha Palásiu Prezidente Nicolau Lobato Bairru Pite, Kinta, (21/10).

Nia haktuir, sistema judisiariu iha  TL  la’o di’ak no organizasaun Juiz internasionál sira mós louva maibé presiza hadia buat balun.

“Ha’u hanoin sistema judisiariu iha timor la’o di’ak desde organizasaun internasionál Juiz sira nian, ne’ebé asosiasaun Majistradu TL nian, membru efetivu Uniun internasionál Coligasaun Paizes da Lingua Portugues, (CPLP),  sira hotu louva, sistema ne’e kapás tebes, maibe buat balun presiza hadi’a no tenke hadia,  rekoñese mos iha buat balun tenke hadi’a mas la’ós atu sobu”, Haktuir Prezidente AMJTL.

Nia esplika, dadaun ne’e rekursu umanu mak menus, tanba agora kazu krime bar-barak,  krime mos komesaoi-oin de’it, tanba ne’e presiza rekursu umanu atu bele rezolve kazu sira ne’e hotu.

Tanba kada loron prosesu tama to’o 10 resin, Tenke aumemta Juiz atu responde nune’e prosesu ne’e labele pendente.*Jos