EdukasaunFEATUREDIkus LiuNews

Australia Apoiu Programa PHD Ba MEJD

Fahe Tutan

Naunil Media (Dili), Governu Australia liu husi nia embaixada iha Timor-Leste (TL), sei hametin kooperasaun ho Ministeriu Edukasaun  Juventude no Desportu, (MEJD), liu husi DFAT, ho programa Parrnership Human Development (PHD).

Iha reuniaun ba kooperasaun ne’ebe hala’o iha otel, JL Villa, segunda ne’e, Ministru MEJD, Armindo Maia, hateten reuniaun ida ohin Ita diskuti konaba apoiu programa koperasaun entre MEJD ho embaixada Australia iha Timor Leste no programa ne’e apoiu husi governu Australia Liu husi DFAT, programa ida ne’ebe Ita bolu ho naran partnership Human development (PHD) 

” Ida ne’e iha projeitu lubun ida hanesan Alma ne’e apoiu ba lideransa eskola sira, ida mos kona-ba edukasaun inkluziva, nune’e mos ba emili kona-ba edukasaun multi lingua no mos apoiu ba  instituisional ba ministeriu liu-liu Kona ba edukasaun ensinu baziku,” Haktuir Armindo

Nia mos fo atensaun katak, ita mos tenki tetu katak ida ne’e la’os programa ida ne’ebe ita bele dehan iha tempo ida sei bele remata, enataun ministeriu mos tenki hare’e ninia sustentabilidade, ida ne’e Importante.

Tanba programa ne’e iha vantagem bo’ot ba ita nia labarik sira, Nune’e ministeriu desidi uluk kedas atu oinsa mak bele servisu hamutuk bele reforsa iha seitor edukasaun. Hateten Ministru ne’e.

Iha fatin hanesan, Embaixador Australia iha TL, Peter Robert,  kontente tebes tanba implementasaun alma no aktividade sira seluk hanesan apoiu labarik sira fila ba eskola iha tempu badak. 

Nia akresenta, governu Australia nia kooperasaun ho MEJD Tinan oin sei apoiu tan orsamentu ho montante miliaun 1.6 ho balun.

Tanba Ita hatene katak edukasaun mak save ba dezenvolvimentu inklui dezenvolve ekonomia iha tempu naruk iha nasaun ne’ebe deit. LTS

Leave a Reply

Your email address will not be published. Required fields are marked *