Korea Ho UN, Hamutuk MEJD Selebra Serimonia Hand Over Livru Ciclo Tolu

Naunil Média (Díli), Embaixada Koreaho Nasoens Unidus (UN), hamutuk ho Ministeriu Edukasaun e Juventude Desportu (MEJD), selebra serimonia, HAND OVERm Livru ba 3⁰ Ciclo, hamutuk 90.108.

“Ajuda husi parseiru ne’e atu hasa’e transmisaun edukasionál hodi garantia kontinuasaun aprendizazen iha Timor leste (TL), projetu ida ne’e hetan suporta gusi governu Koreia liu hosi Koica, (ajensia koperasaun internasional Koreia nian. Dehan Ministru MEJD Armindo Maia, iha nia diskursu, ne’ebe iha salaun MEJD, Segunda,  (25/10).

Nia haktuir, Seremonia ida ne’e parte ida husi post-projeitu siklu Tolu ba matematika no siensia ba ensinu baziku siklu tolu iha TL, hodi responde ba area edukasaun iha pandemia COVID-19

Armindo esplika livru ne’e kona-ba oinsa atu estuda matematika ba 3⁰ Ciclo, ida ne’e hanesan ajuda bo’ot teb-tebes mai MEJD.

Infelismente agora ne’e MEJD seidauk bele halo livru ne’ebe gratuitu.

“Hau nia mehi ida katak kada alunu ida tenki hetan Livru ida para sira bele estuda iha uma, tanba ho pandemia Covid-19 ita hatene katak asesu internet mós susar eletrisidade dalaruma seidauk bele, ho Livru ne’e labarik sira bele estuda iha uma”. Haktuir nia

Membru Governu ne’e afirma, livru sira ne’e, distribusi hotu ona ba munisipiu no ohin loron ne’e halo seremonia deit.

Iha fatin hanesan Embaixador Korea iha TL, Kim Jeong Ho hatutan Projetu ida ohin ne’e projeitu post ne’ebe apoiu husi KOICA nian  ne’ebe implementa husi UNESCO.

“ projeitu ne’e lolos komesa ona iha 2014 to’o 2017-2018 hodi distribui ona, tinan ida ne’e ba to’o 2022 sei apoiu tan livru ne’e ba estudante sira ne’ebe agora estuda online, no sira mos bele iha livru kada estudante para ajuda sira bele estuda ho diak liu tan,” Esplika Kim Jeong.

Nia hateten, Mudansa global ne’ebe akontese liu-liu ba pandemia ida ne’e obriga ita atu halo ajustamentu ba sistema edukasaun iha mundu, tanba ne’e mak ami nafatin atu apoiu TL, iha setor  edukasaun liu-liu eskola online sira oinsa atu fornese livru sira ne’e.

MEJD ho UNESCO sei servisu hamutuk nafatin atu halo Ida ne’e, no projeitu seluk tan.

Alende orsamentu ba livru ne’e hamutuk 2.4 milhoens. LTS