Atribui Subsidiu Jornalista, ‘MAPKOMS’ Submete Dekretu Lei Ba PCM
Naunil Média (Díli), Ministru ba Asuntu Parlamentár no Komunikasaun Sosiál (MAPKOMS), Francisco Jéronimo, submete submete ona dekretu-lei ba Prezidensia Consellu Ministru (PCM, sigla portugés) atu atribui subsídiu ba jornalista sira, ne’ebé hala’o servisu esensiál iha ámbitu Covid-19.
“ iha Dekretu-lei subsídiu ba mídia MAPKOMS halo ona submisaun ba PCM atu halo diskusaun no aprova hodi bele sai lei no baze ba pagamentu liña frente liu-liu ba jornalista sira,” Dehan Francisco Jéromino, liu hosi plenária iha debate estensaun EE ba dala-19, iha PN, tersa,(26/10).
Nia haktuir, Jornalista sira iha tinan kotuk hetan subsídiu liña frente maibé tenke prepara dekretu-lei ketak ida, la’ós hamutuk ho dekretu-lei ne’ebé mak foin lalais aprova iha fulan agostu liu-bá ne’e.
“ tanba ne’e jornalista sira la’ós hanesan funsionáriu públiku maibé halo servisu hanesan esensiál,” Tenik nia
Iha sorin seluk, Deputadu bankada Partidu Kamanek Haburas Unidade Nasionál Timoroan (KHUNTO), Luis Roberto, husu ba Ministéiru relevante atu konsidera no aselera lista liña frente ba jornalista sira nia.
tanba servisu mídia sira nian iha ámbitu Covid-19 ne’e importante tebes.Ana
