Governu Komprometidu Hasa’e Numeru Vasina To’o 80%

Naunil Média (Díli), Ministru Prezidénsia Konsellu Ministru, Fidelis Manuel Leite Mangalhães, hateten, Governu komprometidu hasa’e númeru vasina to’o 80%, situasaun bele tama fali normalidade ona.

Tanba governu konsiente ho vasina mak bele lori ita fila fali ba situasaun normalidade. 

“Governu kontinua komprometidu no intensifika atu atinje objetivu imunizasaun pelumenus 80% hosi ita nia populasaun to’o tinan ida ne’e nia rohan, ” Dehan Ministru Fidelis Manuel Leite Mangalhães, iha  diskusaun renovasaun EE ba dala-XIX, iha sala PN, tersa,(26/10). 

Governante ne’e akresenta, hahú hosi vasina da-huluk Covid-19, hetan ona aprovasaun espetativu sira sai bo’ot iha mundu kona-ba loron ruma sei fila fali ba normalidade.

“ Iha Timor-Leste akompaña hela kona-ba medida oioin ne’ebé tenke adota ho objetivu atu fila-fali ho lais ba moris ida, bolu molok moras pandemia Covid-19 ida-ne’e.

Fidelis, Momentu ida ne’e iha mundu tomak konkorda ona vasina mak instrumentu ida-ne’ebé efikaz liu atu kombate COVID-19.

Tanba ne’e, ho imunizasaun hahú hosi grupu lokál, munisipál no nasionál nu’udar forma únika hodi mantein esperansa atu fila-fali ba moris ida livre hosi konsekuénsia grave. 

“Governu konsiente ho vasina mak hodi fila-fali ba normalidade ho nune’e komprometidu atu atinje imunizasauun pelumenus 80% hosi populasaun to’o tinan ida- ne’e nia rohan,” haktuir nia.

Ema barak sente satisfeitu ho vasinasaun ne’ebé alkansa ona, konsege imuniza liu hosi 46% hosi populasaun ho idade 18 ba leten ho doze daruak ne’ebé rekomenda ultrapasa ona.

Governu komprometidu hasa’e 70%, ema elejivel hosi populasaun ne’ebé simu ona vasina ho doze dahuluk iha Timor-Leste.

 Iha Dili hanesan sentru ba moras COVID-19 agora iha dezenvolvimentu ne’ebé di’ak tebe- tebes, tanba iha Dili hetan ona vasina daruak 72% no hirak ne’ebé vasina doze dahuluk 80%. 

Timor-Leste iha esperansa boot, to’o tinan ida-ne’e nia rohan, númeru vasinasaun sei aumenta liu tán iha Dili.

Ho rezultadu hirak ne’e,tanba servisu maka’as hosi instituisaun Estadu sira ho ko’operasaun nasaun parseiru dezenvolvimentu sira ho mós apoiu sosiedade sivíl iha esforsu koletivu. Ana