EdukasaunFEATUREDIkus LiuNews

MEJD Kontinua “Abandona” Direitu Rekrutamentu Nain-93

Fahe Tutan

Naunil Média (Díli), Ministeriu Edukasaun Juventude no Desportu (MEJD) dadauk ne’e kontinua abandona hela ajente rekrutamentu hamutuk nain-93 ne’ebe aplika vaga iha tinan 2019.

Portavós Adelino Halesma Pires hateten, Prosesu rekrutamentu ne’ebé MEJD loke ba funsionariu hamutuk-93 ne’e finaliza ona desde tinan 2019 liubá, maibé to’o agora seidauk realiza servisu.

“ Tipu vaga ne’e iha lima mak hanesan, Rekursu Umanu Imprime, Infraestrutura, Kurikulu, no Tekniku Infrasaun,. Tipu vaga hamutuk ema nain-93 iha prosesu ne’e maibé to’o agora MEJD seidauk fo servisu,” Dehan Portavós, Adelino Halesma, iha audensia, ho Komisaun G Parlamentu Nasionál (PN), segunda, (25/10).

Maske komisaun organijadora ba rekrutamentu ne’e envolve direita husi Komisaun Funsaun Publika (KFP), inklui MEJD maibé prosesu refere laiha kontinuasaun.

Ho siuasaun ne’e, reprezentante ajente rekrutamentu nain-93 deside hasoru komisaun G ne’ebé trata asuntu edukasaun oinsa bele fiskaliza problema ida ne’e iha Ministeriu.

“ Ami konsidera Ministeriu la fó valor ona no la konsidera ona ami nia direitu nu’udar sidadaun Timoroan, Nune’e ami rekomenda ba komisaun G ne’ebé trata asuntu edukasaun, atu halo fiska;izasaun,” Tenik nia.

Maibé iha Orsamentu Jerál Estadu (OJE), Ministru MEJD Armindo Maia, Nafatin lori proposta ba aprezenta iha PN, Maibe Deputadu sira iha PN kestiona kona-ba prosesu ba ajente rekrutamentu refere. Maibé Minitru ne’e rasik hateten prosesu ne’e semana ida tan atu finalize, Maibé realidade la akontese.

“ La sala iha fulan Fevereiru tinan  2021, mai fali halo audensia ho ida ho Primeiru Ministru (PM), Taur Matan Ruak, katak prosesu ne’e iregularidade, Ami atu dehan de’it nune’e prosesu ne’e mak iregularidade ne’e ami lahatene ami vitima ona nu’udar sidadaun Timoroan ba prosesu ida ne’e.

Maibe Ministru iha kompetensia atu halo prosesu ne’e tuir dalan legál ba ekipa ne’ebé fo rekrutamentu.  Ana

Leave a Reply

Your email address will not be published. Required fields are marked *