Sensibilizasaun Konsultasaun Prosesu Adezaun TL Ba OMK Importante
Naunil Média (Díli), Programa sensibilizasaun ho konsultasaun publiku importante ba prosesu adezaun Timor-Leste ba Organijasaun Mundiál Komerciu (OMK).
Koordenador teknika OMK, Cesar Dias Quintas hateten, Programa ne’e importante tanba elementus hotu-hotu iha TL hatene prosesu adezaun TL iha OMK, inklui organizasaun sira seluk hanesan global Ekonomia, Komersiu, hanesan mós organizasaun rejionál.
“ Programa importante ida husi Governu, liu-liu ba Ministeriu Coodenadór ba Asuntu Economico (MAKE) ba programa konsultasaun sensibilizasaun no sosializasaun ba prosesu adezaun TL ba OMK nian,” Dehan Cesar Dias Quintas, iha salaun DIT, Tersa (26/10)
Nia haktuir, Sensibilizasaun ne’e hahu kedas iha tinan kotuk antes TL hahu sensibilizasaun, atraves husi media, seminariu no workshop ne’ebé liu hosi programa ne’e, parte komponentes hotu-hotu pesija hatene ninia prosesu ne’e to’o iha ne’ebe, tanba ne’e interese nasional.
“ Sensibilizasaun ne’e Agora hala’o dadaun antes ne’e hala’o ho seitor privadu no NGO balu, agora ne’e atu hala’o ona ho NGO geral, atu nune’e tama hotu ba CCTL,” Haktuir Sezar
Nia esplika, Seitor pribadu ne’e hare’e ba Rua deit, hanesan seitor Nasionál ho Internasionál, depois konvida sei mai partisipa hotu no sensibilizasaun ne’e, aktividade ne’e hetan apoiu husi parseiru dezenvolvimentu sira.
Iha Fatin hanesan reprezentante estudante husi Universidade Dili Institute of Tecnoghy (DIT), Manuel Franes Oliveira, senti orgullu bo’ot tamba OMK mai halo sensibilizasaun iha kampuz DIT, ida ne’e hanesan previleziu bo’ot ida ba estudante sira.
“ Nune’e ami estudante lubuk bo’ot hakarak partisipa hodi aprende saida mak adezaun husi OMK rasik hakarak mai hato’o, ida ne’e hanesan materia prinsipál ida mai ami oinsa atu aprende di’ak liu tan iha future,” haktuir nia, hafoin partisipa sensobilizasaun OMK.
Sendibilizasaun ne’e hetan partisipa husi estudantes DIT, husi fakuldade hanesan, Engenaria, Ekonomia, no Turismu. LTS
