EdukasaunFEATUREDIkus LiuNews

“Akara” Kampana Nasional Hoax No Promove Internet Saudavel, Pozitivu Ba Komunidade

Fahe Tutan

Naunil Media (Dili), Sekretáriu Estadu ba komunikasaun Sosiál (Sekoms), Merício Juvinal dos Reis “AKARA,” informa, diskusaun programa kamapana ne’e hanesan kontinusaun,  kampaña nasionál kombate HOAX no Internet Saudavel nível ne’e hala’o ona iha munisípiu rua, Lautem ho Manufahi.

Programa ne’e ho objetivu ida de’it ne’ebé SEKOMS hala’o ona iha munisipiu rua mak atu sensibiliza informasaun ba komunidade sira, oinsá uja media sosial ho los no lolos.

” Sensibilizasaun ba Kampaña Nasionál Kombate HOAX no Promove Internet Saúdavel, iha  nivel Munsípiu ba iha munisípiu Bobonaru, hodi kontinua enkoraja sidadaun sira hotu iha teritóriu Timor, liu-liu komunidade munisípiu Bobonaru, Dehan Sekretariu Estadu Mericio Juvinal,  iha salaun SEKOMS, Palásiu Governu,” Tersa, (26/10).

Mericio hateten, programa kampana ne’e ho objetivu ida katak, hakarak kontinua enkoraja nafatin ita nia komunidade oinsa uja mídia liuliu uja mídia dijitál ho matenek ho kuidadu, tanba iha era agora ne’e ita kolia buat ruma iha mídia la to’o minutu ema rihun ba rihun maka bele assesu, se wainhira ita ko’alia los ninia impaktu pozitivu, maibé se ita kolia sala ka ita iha intensaun promove fali lia falsu entaum ema ne’ebé simu lia Falsu ne’e mos kada minutu atinji ema barak.

Ezekutivu ne’e hatutan tan katak,  tempu ona atu promove nafatin edukasaun sivika para ema iha kapasidade uja mídia liuliu mídia dijitál ne’e ho di’ak, para lori sensibiliza ba komunidade, tanba iha situasaun pandemia ne’e ema aproveita hodi  lansa imformasaun falsu kona ba COVID-19, liuliu vasinasaun ne’ebé halo paniku no komfuzaun iha povu nia le’et. 

“AKARA” esklarese, sivilizasaun ne’ebé estadu no Governu fahe fo ba  nia sidadaun sira liu husi kampaña nasionál kombate HOAX, ne’ebé kada entidades halo liuliu Sekoms hala’o dadaun ne’e, sai informasaun ne’ebé justu klaru no fo fiar ba iha komunidade hodi tuir vasinasaun, tanba sira fiar informasaun ne’ebe klaru no los husi fontes ne’ebé komfirmadu.

Eis Deputadu ne’e haktuir, Ita tenki esforsu nafatin  katak lia falsu ne’e inimigu ba ita hotu lia los mak sai objetivu ba ita hotu atu atinji.

“Iha fulan hirak liu ba Sekoms konsege regista ema uja ID falsu hodi lansa lia falsu ne’e kuaze sa’e to’o porsentu 80-90 kazu, depois de kampaña kombate HOAX ita halo nia numeru ne’e la sa’e ,ne’e hatudo katak inisiu ema lansa imformasaun barak mais depois de sidadaun akompaña edukasaun sivika ne’e ita nia povu sai matenek entaun numeru ne’e la aumenta tan no nia pursentu ne’e tun ba 40-50, ne’e indikasaun pozitivu maibé ita labele para, ita nafatin sensibiliza ba sidadun sira hotu atu komprende ho lolos imformasaun ne’ebé los no falsu iha media sosiál, tamba ita nia sidadaun hatene ona adapta iha situasaun era dijitalizmu,” Esplika “Akara”

Governante ne’e husu, ba entidades relevantes  sira hanesan, televisaun radio no jornal sira atu kontinua fornese informasaun positivu justu no kredivel hodi kontribui ba desemvolvimento nasaun ida ne nian. Latu

Leave a Reply

Your email address will not be published. Required fields are marked *