Estudante Estagiadu CS-UNTL “Suku Fuat” Simu Ekipamentus Husi Sekoms
Naunil Media (Lautem), Sekretariu Estadu ba Komunikasaun Sosial (Sekoms), entrega meterial mak hanesan, Kertas, ho Isolasi, inklui ekipamentus balun, hodi apoia, Estudante Servisu Sosial (ESS-UNTL iha Suku Fuat) husi Fakuldade Siensias Sosiais (FCS), no Departamentu komunikasaun Sosial (CS-sigla Portugues) hodi halo Jornal parede, ba Joven sira iha Suku Fuat, Postu Administrativu Iliomar, Munisipiu Lautem.
“Material labarak liu, maibé ida ne’e mak ami iha, hodi apoiu estudante CS/ UNTL, atu implementa jornal parede ba joven sira iha suku Fuat. Dehan reprezentante Sekoms, Marcelino da Cruz Monteiro, ba Naunil Media hafoin remata formasaun Edukasaun sivika ba joventude Suku Fuat, tersa ( 27/10).
Iha Fatin hanesan reprezentante estudante Komunikasaun Sosial (CS), Ivonia da Silva hateten, apresia tebes ho Sekoms nia kolaborasaun no konfiansa tomak ba estudante ESS-UNTL/DCS hodi halo Jornal parede ba joven sira iha suku refere.
“Hau em nome ami estajiariu iha suku Fuat agradese ba Sekoms, tanbà bele fó ona konfiansa no material balun mai ami estudante Komunikasaun Sosial (CS), UNTL hodi halo jornal parede ba joven sira iha Suku Fuat”. SAN
