” Lú-Olo” Formalmente Inagura Ona Edifisiu Gabinete Sentrál MP

Naunil Média (Dili), Edifisiu Gabinete Sentrál ne’ebé akumula servisu espesializada Ministeriu Públiku (MP), nian ne’ebé funsiona hamutuk ho Prokurador Jerál Repúblika (PGR), inagura ona husi Prezidente da Republika (PR), Francisco Guteres Lú-Olo.

“Ohin ha’u mai formalmente PR hala’o inagurasaun ba edifisiu foun, Gabinete Sentrál MP nia, ida ne’e pur-otru ladu, mai manifesta ha’u nia solidaridade no apoiu institusionál ba orgaun do Estadu ida ne’e”, Dehan PR Francisco Guteres Lú-Olo, ba Jornalista sira hafoin remata inagurasaun ba edifisiu foun MP, Kolmera, Kuarta, (27/10).

Prezidente RDTL ne’e haktuir, Orgaun PJR ne’e atu bele ezerse didi’ak sira nia funsaun nu’udar reprezentante do estadu nu’udar nain ba asaun penal hotu-hotu, ne’ebé mak bainhira iha relasaun juridika iha konflitu, tanba ne’e sira mak bele halo asaun sira ne’e hotu.

Lú-OLo mós husu ba sidadaun sira hotu atu koopera nafatin ho MP, entermus lei no bainhira sidadaun sira hotu iha litiziu sira  husi asaun penal ka sivil naturalmente, asaun sira ne’e hotu para atu bele kore nia fukun sira tanba ne’e hotu-hotu tenke partisipa atu bele fo sira nia apoiu ba servisu MP nian.

Lu-Olo hateten, MP hamri’ik to’o agora halo tinan 20 konsolida hanesan instituisaun estadu nian.

” Maibe hatene katak sempre asumi nafatin no sempre hasoru nafatin dezafius kada ves mais komplexu, tanba krime ne’ebé mak trans nasionais krime sira seluk barak, tenke prepara a’an nafatin ho operadores judisiais sira, Polisia Nasional Timor-Leste (PNTL),  sira tenke prepara a’an nafatin hasoru tipu kriminalidade ne’ebé mak oras dadaun mundu infrenta,” haktuir Prezidente Republika.

Tanba iha Gbinete Sentral ne’e, Gbinete ida ne’ebé mak atu bele hare’e, kona-ba krime internasionál sira, Prontu funsiona naturalmente sira hotu sei hare’e para atu bele oinsá asegura instituisaun.

Iha fatin hanesan Prokurador Jeral da Reoublika,  Alfonso Lopez, liu husi diskursu agradese ba Prezidente Repúblika, nia disponibilidade ne’ebé mak bele mai halo ona inagurasaun ba edifisiu foun ida ne’e.

Nia hatutan,  Ho edifisiu ida ne’e Prokurador Jerál Repúblika liu-liu servisu espesializada sira agora iha kondisaun instalasaun funsionamentu seguransa ne’ebé di’ak ona, nune’e dignidade institusionál ida ne’ebé nia merese.

Alfonso esplika  inagura edifisiu ne’e tanba sei akumula servisu espesializadu MP nian ne’ebé funsiona hamutuk ho PJR, no momentu importante ida ne’e historia MP nian ne’ebé hatudu nia kresimentu no dezenvolvimentu durante tinan 21 nia laran ne’ebé nia instalasaun hahú restaurasaun independensia nasionál.

Nune’e mós tuir relatoriu husi Diresaun Geral Apoiu Tekniku Administrativu MP nian relata katak, Medida rai ho luan (Atus sia haat nulu resin rua), rai ne’e rezistu propritariu estadu no kapasidade sala sira bele akumula Prokurador nain 12 no mós ofisiál justisa nain 40. *Jos