Xina Apoia Milliaun $ 1 Ba Asistensia Inan Isin Ho Mal-Nultrisaun
Naunil Media (Dili), Governu Popular Xina servisu hamutuk Programa Ai-Han Mundiál (PAM), apoia osan milliaun $.1 ba Ministeriu Saúde (MS).
Apoia fó asistensia ba ai-han emerjesia ba inan isin rua, nune’e ba inan fó susu iha Timor-Leste ne’ebé sofre mal-nutrisaun. Dehan Ministra Saúde (MS), Odete Maria Freitas Belo, iha serimónia lansamentu ba akordu kontribuisaun entre Governu Xina ho Timor-Leste, iha Palaciu da Cinzas, kaikoli, Kinta, (28/10).
Odete haktuir, Apoia ne’e utiliza hodi fornese ai-han nutritivu hamutuk tonelada 548 ba inan isin-rua no inan fó susu hamutuk 12,000 resin, atu konsumu kada fulan durante fulan 12.
Nune’e mós, sei fornese ai-han suplementu hodi prevene kazu mal nutrisaun, ho objetivu atu redús númeru mortalidade liu-liu ba inan sira mak iha risku a’as no sofre ba mal-nutrisaun, liu husi fó suplementu mikronutriente ba sira.
Nia hatutan, Akordu kontribuisaun entre Governu Xina ho TL no liu osi PAM mai iha tempu ne’ebé ita presiza duni, atu fó apoia ba ita nia ema. Tanba ne’e, hodi inan isin-rua no inan fó susu sira iha TL nia naran.
ha’u hakarak hato’o agradese wain ba suporta no komitmentu jenerozu husi Governu Xina, ” dehan Ministra Saúde (MS) Odete Maria Freitas Belo
Tanba iha TL, problema seguransa ai-han no malnutrisaun kontinua sai dezafiu bo’ot.
“ Populasaun liu 1/3 mak sofre ba inseguransa ai-han, labarik tinan 5 mai kraik hamutuk 47% mak nia altura la tuir nia idade, 8.6% krekas, no isin ki’ik ka todan menus hamutuk 32%, Inan ho idade reprodutiva sira hamutuk 30% maka sofre ba anemia,” Haktuir Ministra Saúde.
Iha fatin hanesan , Embaixadór Xina iha Timor-Leste, Xiao Jianguo, sempre disponivel atu haforsa koordenasaun no parseria no servisu hamutuk ho Organizasaun Nasoens Unidas (ONU), ajuda TL hodi atinji objetivu dezenvolvimentu Sustentável 2030 atu hakotu hamlaha no halo transformasaun ba sistema ai-han.
Nia akresenta, Fundu husi Governu Xina, liu husi the South-South Cooperation Assistance Fund (SSCAF) sei fó biban ba PAM atu hola super cereál – ai-han neebé – fortifika ho vitamina no minerál.
Ai-han nutritivu ne’e sei distribui hosi MS no servisu hamutuk ho Servisu Autónomo de Medicamento e Equipamento de Saúde (SAMES), ba iha munisipiu 12, inklui RAEOA-Oekusse.
Governu Xina kontente tebes lansa programa ida ne’e hamutuk ho PAM no MS.LTS
