Failansu Justisa, Impata Eis Prezidente KFP, Viazen Ba Estranjeiru
Naunil Média (Dili), Iha Sabadu (6/11/2021), mais ou menus iha tuku 12 liu minutu 30 ora Timor-Leste, Eis Prezidente Komisaun Funsaun Publica (KFP), Liborio Pereira hetan orientasaun hodi akompana Ministra Negosiu Estrangeiru kooperasaun hodi hala’o servisu estadu iha rai liur.
Maibe servisu imigrasaun iha Aero-Portu internasional Prezidente Nicolau Lobato Dili, hamutuk ho servisu Investigasaun Kriminal kansela viajen Eis Prezidente (KFP), Liborio Pereira nia viagen ba estranjeiru.
Ho nune’e Vise Ministra MNEK, Julião da Silva, informa, impata Eis Prezidente KFP, Liborio Pereira, halo viazen ba estranjeiru tanba faillansu husi tribunal no ministeriu públiku.
“Faillansu ne’e iha tribunal ho Ministeriu Públiku tanba saida MNEK hanesan instituisaun estadu guvernu ke imposivel fo autorizasaun ba ema ne’ebé kuandu hetan hela Termu Identidade Rezidensia (TIR) ne’e imposivel ne’e laiha”, Dehan Vise MNEK ba Jornalista sira iha palásiu Prezidensiál Nicolau Lobato Bairru Pite, Kinta, (11/11).
Nia hatutan, kuandu Termu Identidade Rezidensia (TIR), nia pasaporte automatikamente tribunal foti ou Ministeriu Públiku (MP), detein tiha ona nia pasaporte ne’e labele hala’o viazen ba estranjeiru.
” Maibe agora se ema ida kuandu bele halo viazen ona purke desizoens tribunal ne’e, klaru tiha ona no entrega ona ninia pasaporte diplomata, pasaporte servisu ba ona iha ministeriu relevante ou sidadaun se de’it”, Tenik nia
Membru Governu ne’e akresenta, kuandu ema halo viazen tanba laiha problema ho legalidade tribunal, maibe MNEK konsidera tribunal no MP mak seidauk manda karta ba iha imigrasaun sidadaun refere livre husi aktu ne’e.
” kuandu ema ne’e bele halo viazen tanba nia laiha ona problema legal ka ho tribunal laiha ona, ne’ebé tuir ami nia hatene katak seidauk manda karta ba iha MP ka MP mak seidauk manda karta ba imigrasaun hodi, hateten katak sidadaun refere nia livre ona husi aktus saida de’it mak tribunal hatun,” haktuir Vise Ministra ne’e.
Antes ne’e, liu husi desizaun Primeiru interrogatóriu, iha tribunál distritál Dili, aplika Termu Identidade Rezidénsia (TIR) bá eis Prezidente Komisaun Funsaun Publika (KFP) tanba diskonfia komete krime partisipasaun ekonómika no negósiu, bainhira sei asume kargu nu’udar Prezidente KFP iha tinan 2017.*Jos
