Komemora Masakre Santa Cruz, “Lu-Ólo” Fo Homenazen Espesiál Ba Max Stahl
Naunil Media (Díli), Ho grantidaun kle’an tebes mak Prezidente da Republica Democratica de Timor-Leste, Francisco Guteres Lu-Ólo, fo Homenagen ba ita nia maun alin murak Jornalista Max Stahl, iha loron komerasaun Masakre Santa Cruz ba dala 30.
“Povu doben Timor-Leste ra’an fakar iha ne’e iha tinan tolu nolu (30) liu ba, hafoin imagen Masakre Santa Crus acapta husi irmaun Max Stahl, to’o iha rai liur mak opiniaun publika internasionál muda kona-ba situasaun ihaTimor-Leste. Dehan Prezidente da Republica, Francisco Guteres Lu-Ólo, iha nia diskursu, Komemorasaun Masakre santa Cruz, Sexta, (12/11).
Ho grantidaun klea’a tebes mak Prezidente da Republica fo homenagen espesiál ba ita nia maun alin murak jornalista Max Stahl, iha loron ita komemora Masakre Santa Cruz 12 Novembruba dala tolu nolu.
Enkuantu ita komemora Masakre Santa Cruz, iha Dili Misa funebre no homenagen ba ita nia Irmaun heroi Saudozu Max Stahl la’o dadaun iha Australia.
Nia haktuir, husi ne’e mak solidariedade internasionál ho Timor-Leste sa’e liu tan ba bebeik ho involvimentu maka’as husi diplomata aktivista Timor-Oan sira iha Diaspora.
Ho naran Estadu Timor-leste PR haruka hako’ak bo’ot ba familia Max Stahl. Latu/Jos
