Grigorio Husu Governu Troka Monumentu 12 Novembru Ba Sebastiao Gomes
Naunil Media (Dili), Prezidente Komite 12 Novembru, Grigorio Saldanha husu governu tenke troka monumentu 12 Novembru Motael, hodi tau fali estatua saudozu Sebastiao Gomes nian.
Tuir nia, governu tenke troka momumentu jardin 12 Novembru ba monumentu Sebastiao Gomes, tantu ezijénsia sobrevivénsia husi komite 12 Novembru halo beibeik dezde iha AMP nia tempu no governu promete atu troka.
“Depois iha troka governu ida agora nee fali nafatin ezije para situasaun iha ne’eba, atu bele troka Jardin 12 Novembru ho estatua Saudozu Sebastiao Gomes nian,” Dehan Prezidente Komite 12 Novembru, Grigorio Saldanha, ba jornalista sira iha Simiteru Santa Cruz, Sexta, (12/11).
pesoalmente la dehan governu laiha atensaun ba Masakre Santa Cruz, maibe hakarak dehan tenke justisa.
“Tanba ita labele nega fatin istoriku ida, kuandu tau ona 12 Novembru iha ne’eba signifika tau atensaun boot liu tan, i nu’udar Prezidente Komite 12 Novembru, hau lakohi ita foku deit ba iha 12 Novembru nian, hodi haluha tiha akontesimentu ka tranziku sira seluk, maka Sebastiao Gomes nian, entaun rua-rua nee tenke kompleta malu,” Tenik nia
Grigorio haktuir, entaun ezijénsia liu husi mensajen ne’ebe fo sai iha numeru 2 katak, tenke harii duni monumentu saudozu Sebastiao Gomes nian iha neeba, maibe nee responsablidade governu nian atu harii bainhira.
“Maibe ba ami nian hanoin maka, kleur ka sedu governu tenke hadia,” hatete nia.
Nia hatutan, tanba Sebastiao nian akontese iha loron 28 fulan Outubru, depois joven sira la simu ho ninia mate, maka joven sira mate tan, tenke intende ida nee. Latu
