PNTL Kaptura PSHT Nain Walu, Foin Fila Husi Atambua
Naunil Média (Bobonaru), Ohin sexta (12/11), Komando Polisia Nasional Timor-Leste (PNTL) liu husi servisu Investigasaun Kriminal Munisipiu Bobonaro, Kaptura tan sidadaun nain walu, grupu Artemasial (GAM), Persaudaran Setia Hati Terate (PSHT), iha suku Memo, Portu Administrativu, Maliana, Munisipiu Bobonaru.
Servisu invertigasaun PNTL intensifika area kobertura halo patrulamentu iha sexta loron (12/11), mais ou menus tuku 10:30 deder oras Timor-Leste, kaptura sidadaun nain walu PSHT ne’ebe foin fila husi Atambua-Indonesia.
“ Sidadaun nain Walu nee mane nain Hitu no feto nain Ida, evidensia ne’ebe servisu invertigasaun PNTL komprova mak hanesan, farda, Sabuk,” Tuir Informasaun ne’ebe Naunil Media, Asesu iha, Pagina Oficial Ministeriu Interior, sexta, (12/11).
Dadauk ekipa investigador foti ona identidade iha Komandu PNTL Munisipiu Bobonaro, no entrega ona ba ekipa saude hodi kumpre protokolu saude nian.
Ho nunee halo mos teste restreiu ba sira hodi kumpre kuarentena durante semana rua nia laran iha izolamentu Mota Ain, Batugade.
Komandante PNTL Munisipiu Bobonaro, Antonio Mauluta, orienta ona nia membru sira halo operasaun apoiu UPF no UPM, hodi kontrola rigorozu lina fronteira nu’udar parte ida, hodi halo prevensaun no asegura fronteira sai fatin seguru ba ema hotu.Ana
