“Tiara Hulas Timor”husu Joven sira sai kolaborativu

Naunil Media (Lautem) Sobrevivenre Masakre Santa Cruz,  12 de Novembru Alegria David ho kodigu ” Tiara/Hulas Timur, husu Joven sira agora tenke sai joven kolaborativu hodi kontinua Mate-restu sira nia luta iha 1991 nian.

Nia haktuir, 12 de Novembru Alegria David “Kodigo Tiara/hulas Timur” husu joventude sira la’o tuir ain fatin husi Juventude ida ne’ebe uluk halo.

“Halo kolaborativu, fo hanoin ba malu atu prienxe dezenvolvimentu ida ne’ebé sira projeta hela ba ita.Tanba imi nia moto ida hakerek katak “Imi nia Luta mak ami nia Liberdade”. Dehan  Alegria David “Kodigo Tiara/hulas Timur”  ba jornalista Naunil Media hafoin halo Reflesaun ba loron 12 de Novembru kalan iha Sede Suku Fuat.

Nia mós salenta tan sira ne’ebe uluk mate ho klosan sira ne’e, sira nia sakrifisiu terus no sira nia mate agora daudaun Mate-restu no joven sora Agora mak goja  hela.

“Kadavez hau hanoin fila-fali ba klosan ida uluk ne’e, klosan ida uluk ne’e klosan ida ne’ebé brani mai maske husik nia inan-aman nia brani no sempre brani nafatin sei kumu liman hasoru kilat, hasoru inimigu balun mate, balun kanek no balun lakon to’o agora nia rate laiha” nia dehan 

Nia informa  alin sira husi Untl banati tuir ona  loriku as’wain ida ne’ebe uluk fo liafuan mai ita, fo laran ida, fo neon ida atu lori Timor-Leste ba oin ho prosperu.

Sobrevivente ne’e mós husu ba joventude foinsa’e sira bele banati tuir Joventude Loriku as’wain  atu sama tuir sira nia ain fatin  atu nune’e bele  halo netik buat diak. Ivo