Membru PNTL Hamutuk Nain-34 Hahu Kursu Promosaun Ofisial Inspetor
Naunil Média (Díli), Komandante jerál PNTL, Komisariu Faustino da Costa, informa, Membru Polísia Nasionál Timor- Leste (PNTL), hamutuk ema na’in-34 hahú partisipa Kursu Promosaun Ofisiál Inspetór (CPOI), durante semana sanulu (10) iha sentru formasaun Polísia, Komoro.
“ Ha’u hanoin kursu promosaun ba ofisiàl inspetór ida ne’e nu’udar planu Komandu PNTL atu hahú aporta ba kualidade rekursu umanu iha Institusaun PNTL”, Dehan Komandante Jeràl PNTL, Komisáriu Faustino da Costa, iha Komoro, segunda,(15/11).
Tanba ne’e, parte Komandu PNTL husu ba kandidatu sira atu aproveita oportunidade ne’e ho di’ak nune’e bele pasa iha kursu refere.
“Ha’u husu ba ita-boot sira tenke aproveita didi’ak oportunidade ida ne’e, tanba kursu ida importante atu sukat ita sira kualidade.
Nia hatete, tanba kualidade ne’e mai husi ita idak-idak, nune’e membru sira nafatin hatudu atetude ne’ebé di’ak durante formasaun.
Nia hateten, depois de formasaun kursu ne’e sei iha promosaun deviza ba membru PNTL na’in-34 ba postu asistente Inspetór.
Iha fatin hanesan, Komandante Sentru Formasaun Polisia (CFP), Superientidente Xefe Arquimino Ramos, realsa, ba formasaun Kursu Promosaun Inspetór ne’e halo ba membru PNTL na’in-34 ne’e bazeia por estraordinária.
Sira ne’e tuir kursu ohin tuir em nain- 35, maibé ida tanba kondisaun saúde nia rezigna-an.
” Agora hela de’it na’in-34 mak tuir kursu ne’e, husi membru hirak ne’ebé tuir formasaun maioria husi deviza Sejentu, Primeiru Serjentu no Serjentu Xefe.
Nia haktuir, Sira ne’e maioria membru ne’ebé iha ona esperiénsia komanda Unidade sira iha PNTL, uluk esperiénsia komanda Unidade sira iha PNTL uluk hanesan iha Unidade Intervensaun Rápida (UIR), Komandante Eskuanda sira husi Munisípiu balun departementu sira iha Komandu PNTL.
Arquimino esplika, Teoria ne’ebé ita fó iha formasaun mak jestaun no oinsá politika hamosu hanoin inovativa nune’e dezemvolve institusaun, disipliña no oinsá hatene liután iha parte juridiku.
“Ba formasaun ne’e aprende teoria iha mós prátika treinu fisiku sei hala’o iha Rairobo, Postu Administrativu Atabae, Munisípiu Bobonaro. Entertantu Kursu Promosaun Ofisiàl Inspetór ne’e mane 30 no feto iha na’in-haat,” haktuir nia.Ana
