PN Husu MAP, Esplika Ezekusaun OJE Ba Manutensaun Ro Peska Ho Industria
Naunil Média (Díli), Deputadu Bankada Congresso Nacionál de Reconstrução de Timor (CNRT), Ricardo Batista, husu ba Ministru Agrikultura Peskas (MAP) presiza esplika ezekusaun orsamentu ba manutensaun Ró peska no Ró industria ne’ebé prevé iha Orsamentu Jerál Estadu (OJE) 2021.
“Ha’u hakarak husu ita bo’ot sira atu esplika tok foin daudauk ne’e, ita tau osan 7 juta atu halo pengadaan, ba Ró rua, (Ró peska no ro industria), maiz ho menus halo nusa ona”, Dehan, Deputado CNRT, iha sala plenária PN, segunda (15/11).
Nia husu MAP, atu esplika mós planu MAP nian atu sosa Ró peska foun iha tinan 2022 ne’e.
“Ha’u hakarak husu tán, ohin ha’u rona depois hare’e ba ita bo’ot sira nia livru ida ne’e ba ita-boot sira nia livru ida ne’e,” Tenk deputadu ne’e.
Nia hatutan, hodi kaer ba livru ohin ita-boot sira mós tau kona-ba atu sosa tan Ró peska ida.
Ita-boot sira ko’alia iha ona lahatene tau iha ne’ebé mais iha livru dois (2) ne’e ita-boot sira hakerek iha ne’e, lahatene keta tau iha dotasaun atu Governu karik.
Mais iha kapitál menor sira ne’ebé ohin señor ministru ko’alia, ho livru sira ne’ebé ita- boot sira fó mai ne’e, iha maibé iha livru dois (2) nian laiha”, tenik nia. Ana
