SEII Realiza Konsultasaun Planu Aksaun, Violensia Bazeia Ba Jeneru
Naunil Media (Dili), Hamutuk ho sosiedade sivil, ne’ebe sai hanesan rede referal, Sekretáriu Estadu Igualdade no Inkluzaun (SEII), Realiza Konsultasaun ba Revizaun Planu Asaun Nasional (PAN) ba Violensia Bazeia Jeneru (VBJ).
Konsultasaun ne’e liu husi nkontru ohin nia tarjetu ho sosiedade sivil sira ne’ebe mak hanesan rede referal hanesan implementador ba PAN-VBJ
” Ida ne’e mak ohin ami konvida sira ne’e mai atu identifika pasu saida mak persija atu bele submete tan ba iha planu asaun nasional violasaun bazea ba jeneru ne’ebe mak ita atu halo ba faze datolu hahu 2021-2026″. Dehan Diretora nasional SEII ba jornalista iha salaun Delta Nova, Segunda (15/11)
Diretora SEII haktuir, entaun ida ne’e mak ami konvida sira mai atu halo diskusaun hamutuk hodi hare ba saida mak sosiedade sivil halo ona no Ninia dezafiu mak saida, no ba pasu tuir mai ne’e saida mak sira sei rekomenda atu tau ba PAN-VJBJ ba faze datolu ne’e.
Nia esplika, Tuir lei violasaun domestika dehan katak, violasaun hotu-hotu ne’ebe akontese entaun ne’e violensia bazea ba jeneru ka violensia hasoru feto no labarik feto ne’e krimi, no persija hato’o ba iha instituisaun relevante atu bele hetan justisa, atu nune’e vitima sira bele senti no hetan duni nia benefisiu husi estadu ka governu ba Sira nia terus.
“Iha Lei kontra violensia domestika artigu 13 husu saida mak estadu nia knar, entaun estadu nia knar ida mak halo PAN-VBJ ne’e atu konbate violensia bazea ba jeneru no violensia hasoru feto no labarik feto”. Dehan Diretora SEII
Iha fatin hanesan, Directora fundasaun Codiva Laura Afonso de Jesus Hateten,revisaun ida ne’e ba PAN-VBG normalmente nia validu ne’e tinan 5 ne’e Remata ona.
Nia hakutir, bjetivu revizaun ba PAN-VBG atu hodi hare’e fali parte ne’ebe mak atu aumenta no hamenus.
” Ha’u mai hanesan directora husi fundasaun Codiva atu asegura katak iha revizaun ne’e atu Inklui mos grupo marjinariu sira husi parte Komunidade El-Zibitiai nian”, Katak nia.
Dieretora ne’e esplika liutan, , iha rezisaun ne’e oinsa atu koalia Kona-ba violensia hasoru feto no Labarik,no Laos violensia hasoru feto no Labarik de’it,maibe Inklui mos violensia hasoru martinalidade sira.
Entretantu, iha revizaun ba PAN-VBG ne’e hetan pastipante sira husi Sosiedade Sivil no rede referal sira hanesan,Pradet, fokupers, Alfela (kona ba justisa) Codiva, Patria, Casa Vida, Mane Hi Vijaun foun, Arquiris, Plan Infernasional, Care Internasional, Belun, CathOilic Relief Service, UN Women-Spotlight, UNFPA, TAF, Nabilan, JSMP, PDHJ, Rede Feto, Fokupers, Maries Stooes, Fundasaun Alola, Hamnasa NGO, GIZ, CBRN-TL. LTS
