Kombate Krime Rai-Laran, PNTL- CAC Selebra Akordu
Naunil Media (Dili) Polisia Nasional Timor Leste (PNTL) ho Comisaun Anti Corupsaun (CAC sigla portuges), asina nota entendimentu hodi hametin kooperasaun instituisional hodi prevene no kombate, inklui mos investiga tipu korupsaun krime koneksu ne’ebe prejudika estadu TL.
“Akordu ida ne’e ita halo maibe aktu ne’ebe komete husi ema tantu instituisaun nian, ne’e prosesu kontinua la’o ema bolu dehan, ohin underline “. Dehan Komandante Jeral PNTL Faustino da Costa, ba jornalista sira, iha sentru formasaun comoro, Kuarta (17/11).
Komandante jeral PNTL haktuir, labele interpreta akordu ne’e halo ona hanesan instituisaun PNTL nia ema mak halo aktus ruma hanesan ne’e ita husik deit, lae!
Iha fatin hanesan komisariu CAC Sergio Hornai, afirma objetivu prinsipal husi ohin nota entendimentu ne’ebe mak simu ne’e atu hatudu tan instituisaun rua iha koperasaun ida ne’ebe metin no oinsa mak atu bele kombate kriminalidade iha Ita nia rai laran.
” Bele iha krimi ordinaria maibe iha krimi koneksu sira ne’ebe iha relasaun ba iha krimi organizadu sira liu-liu ba iha krimi korupsaun sira,” tenik nia
Komisairu CAC ne’e esplika, Hanesan ita hotu hatene liu-liu ba iha abuzu de poderes, ba iha krimi pekulatu, krimi partisipasaun Hanesan onomiku, no mos ba iha modus aprende krimi sira seluk ba iha droga no mos trafiku humanu nian.
Sira ne’e hotu Persija iha vizaun ida ne’ebe hanesan atu bele fo asaun ba iha ita nia operasaun sira iha terenu, entaun konsolidasaun instituisaun rua ne’e Importante.
” Agora kestaun pratika ne’ebe mak halo husi ajente tantu iha PNTL hanesan mos instituisaun publikusl estadu nian iha responsabilidade kriminal ne’e rekai ba iha responsabilidade ida-idak ninian,” haktuir Nia.
Ajentes iha estrutura Komando PNTL nian mos iha espesialista Anti Korupsaun nian, bainhira komete kriminalidade korupsaun ruma ita la esklui responsabilidade ne’e ba iha ema sira ne’ebe komete krime ruma. LTS
