Komisaun B, PN Husu PNTL Hasa’e Volume Patrolamentu
Naunil Média (Díli), Komisaun B iha Parlamentu Nasionál (PN), ne’ebé trata asuntu seguransa no Defeza Estranjeiru, husu Komandu Polísia Nasionál Timor- Leste (PNTL), hasa’e volume patrolamentu.
PNTL kabele hein akontese problema foin mak hakfodak hasa’e volume patrolamentu.
Memnbru Komisaun B, Deputadu Aderito Hugo, kasu lia hirak, iha PN, tersa, (16/11).
Husu ba komandu PNTL Munisípiu Díli, atu aumenta volume ptrollamentu durante 24 oras nia laran, hodi asegura komunidade la’o livre.
“Agora ita tama ba fim do ano, husu parte PNTL aumenta tan volume patrollamentu 24 oras, di’ak liu para depois bele prevene aktus sira ne’ebé kontinua aumenta ninia frekuénsia ne’e.” Aderito Hugu
Eis Prezidente PN ne’e haktuir, tenke halo imediata, labele hein akontese problema ona mak halo tanba realidade kada fim do ano hanesan ne’e, Liuliu iha Kapitál Dili ne’e aktu kriminalidade ne’e aas tebes.
Automatikamente komandu PNTL hatene ona situasaun tenke hola medida prevensaun rapidu, posivel, ba oin nune’e bele husik komunidade sira iha kapitál Dili la’o ho hakmatek.
” Prezensa PNTL iha komunidade ne’e importante, bainhira PNTL sira prezensa iha Komunidade nia le’et ne’e halo Komúnidade sira sente seguru, no ema sira atu halo problema ne’e mós tauk, tanba ne’e PNTL presiza haree ba buat sira ne’e,” esplika nia.Apela mos ba PNTL, bainhira Volume Patrollamentu ki’ik, presiza aumenta Volume Patrollamentu to’o 24 oras. Ana
