FEATUREDIkus LiuNewsSeguransa

Tinan 2022 MD Sei Rekruta Membru F-FDTL

Fahe Tutan

Naunil Média (Díli), Ministriu Defeza (MD), Preve ona Orsamentu Jeral Estadu (OJE), tinan 2022, hodi rekruta tan Membru Falentil-Forsa Defeza de Timor-Leste (F-FDTL), hamutuk nai-600

“ Tinan 2022 Prioridade atu halo tan rekrutamentu ba membru foun F-FDTL, hamutuk nain-600, tanba Governu kontituisional Da-Walu ne’ebe lidera husi Primeiru Ministru (PM), Taur Matan Ruak, aseita ona, Dehan MD Filomeno Paixao, ba jornalista sira,viha Parlamentu Nasionál (PN), Kinta, (18/11).

MD mos sei sosa tan ekipamentus F-FDTL nian hanesan, farda, kilat, ho kilta musan, ba membru foun sira.

” Tanba tuir dokumentu livru 2 planu asaun anuál OJE tinan 2022, MD prioritiza ba  programa ho kódigu 388, kona-ba Defeza Nasionál ho nia sub-programa formasaun no dezenvolvimentu rekursu umanu iha área defeza no seguransa,  ho nia atividade mak halo rekrutamentu militár no funsionáriu MD.

Ba programa ne’ebe mensiona ona, ho alokasaun Orsementu iha verba hamutuk salariu vensimentu no bens serbisu ho totál $650,127. 

Governate ne’e akresenta, antesiha loron 27 setembru 2021, membru foun F-FDTL na’in-600 inkorpora ona ba Komponente Formasaun no Treinu Metinaro (CFT), hodi submete ba formasaun militár durante fulan ne’en (6), atu bele hala’o knaar iha instituisaun defeza nian. 

No membru hirak ne’e, hosi rezultadu prosesu naruk hahú ho submisaun dokumentu, teste fizíku no saúde ba joven Timor-oan iha territóriu laran tomak ne’ebé selesionadu hodi sai membru foun ba instituisaun F-FDTL”Ana

Leave a Reply

Your email address will not be published. Required fields are marked *