UPF Prende Sasan Ilegal Iha Fronteira
Naunil Media (Díli), Unidade Patrullamentu Fronteira (UPF),Superintendente Euclides Belo Kompañia Alfa, Postu Alto Lebos, halo patrulla rutina iha área Suku Lebos, konsege prende sasan illegal iha área fronteira Indonézia no Timor-Leste.
“Los duni horseik komandante postu UPF, Postu Alto Lebos, primeiru Sarjentu Adelino Maumali, hamutuk membrus na’in 3 hala’o patrullamentu lao ain ba área Mapelai suku Lebos, konsege identifika atividade transaksaun ilegal no prende sasan ilegal sira hanesan, sigaru marka Surya 12 hamutuk pakote 373, tabaku sek marka pohon sagu kaixa 10, tabaku sek marka Matahari kaixa 1, petasan 8 shoot (foguetes) hamutuk pakote 10, no 5 5 shoot pakote 20”, Dehan Komandante Euclides Belo ba jornalista sira iha kuartel UPF, Nú Badak Batugade foin lalais ne’e.
Euclides hateten, nia membru hetan apoiu hosi Falintil Forsa Defeza Timor-Leste (F-FDTL) hodi lalin objetu sira ne’e ba Postu UPF ho distansia ne’ebé dok, entrega ona sasan sira ne’e ba Komandu Polísia Nasionál Timor-Leste (PNTL), Munisípiu Bobonaro hodi halo prosesu kontinuasaun no kontinua intensifika área kobertura hodi identifika transaksaun ilegal tama iha teritoriu nasional. Pau
