Saudozu “Domin” Hatoba Ona Iha Fatin Deskansa Ikus Nian
Naunil Media (Lautem), Ohin loron kinta (18/11), Saudozu Tenente Coronel, Domingos da Costa Santos ho kodigu “Domin” , hatoba ona iha fatin deskansa ikus nian, iha Jardin dos Herois da Patria iha Aldeia Asalaino, Suku Fuiloru, Postu Administrativu Lospalos Munisipiu Lautem.
Sauduzu nia mate familia lakon ai-hun bo’ot ida ne’ebe fo mahon ba hotu hotu, amigus sira lakon belun bo’ot ida, komunidade lakon ema di’ak ida, no nasaun lakon nia asuwain ida.
“Domin” oan husi Roberto Gomes da Costa ho Saraiva do Ceus.
Saudozu Tenente Coronel Domingos da Costa Santos “Domin” Moris iha Mehara, iha loron (01/02/1965). Saudozu mate ho idade Lima nolu resin lima (55).
Saudozu hakotu nia i’is iha sabdu (13/11/2021), iha Hospital Nasional Guidu Valedares (HNGV), Dili, tanba moras komplikadu.
Saudozu husik nia fe’en Cristina dos Santos Cruz ho oan nain tolu (3), Azay Domingos da Costa Santos, Zenifer Cristine Santos, Rivaldo Domingos Santos.
Peregrinasaun “Domin” Remata Ona Iha Mundu, Naran La Lakon Iha Historia Luta
Antes transporta Saudozu nia mate isin ba nia rai moris fatin Mehara, liu husi nia serbisu fatin, Kuartel Falintil-Forca Defeza de Timor-Leste (F-FDTL), no Sentru Formasaun de Treinu Metinaru, hodi hato’o homenagen ikus. Xefe Estadu Maior Jeneral F-FDTL, Tenente Jeneral Lere Anan Timur, iha nia diskursu hateten, triste tebes lakon nia belun luta nain diak ida, durante iha ai-laran no iha instituisaun F-FDTL.
Lere haktuir, Maske peregrinasaun Saudozu “Domin” nian iha mundu remata ona, maibe nia naran sei la lakon husi historia ba prosesu luta libertasaun nasional no fundador instituisaun F-FDTL.
” Saudozu ema ne’ebe iha nia loyalidade ba hau no instituisaun, ita hotu la espera distinu ida ne’e mak lala’ok moris nian, ita labele halai se’es,” Dehan Lere Anan Timur.
Tenente Jeneral husu ba governu atu kontinua tau matan ba feto baluk no oan ki’ak sira, kontinua respeita no dignifika veteranu ne’ebe mate halo’ot sira ho dignu.
Se mak konese di’ak Saudozu “Domin” hatene nia ema ida ne’ebe firme iha nia prinsipiu kro’at iha nia liafuan, gosta koalia halimar ho ema hotu, maibe prontu hakat mesak kuandu presiza. Latu
