FEATUREDIkus LiuJustisaNews

Iha Dili, KSTL Rezista Kazu violensia Domestika Hamutuk 10

Fahe Tutan

Naunil Media (Dili), Konfederasaun Sindikatu Timor-Leste (KSTL), Rezista Kazu violensia domestika hamutuk sanolu (10),hahu husi fulan Marsu to’o Outubru, iha Kapital Dili de’it.

Vise Sekretáriu Jerál António da Costa Martins hatete, Kazu violensia domestika no violasaun seksual ne’ebé mak durante ne’e KSTL rejistu, hetan keixa husi traballador sira ne’ebé mak servisu iha kompaña.

“ Hahu husi fulan Marsu to’o outobru, ne’e ita rejistu kazu violensia domestika no violensia seksual hamutuk 10, husi vitima sira ne’e hanesan traballador ne’ebé mak servisu iha kompañia hanesan Hotelária, konstrusaun no Hospitalidade”. Dehan vise sekretariu Jeral ba jornalista sira, iha Hotel Novu Turismu, Tersa (23/11).

Nia haktuir, Kazu sira ne’ebé mak traballador aprezenta ona iha KSTL, ho  nia tipu mak hanesan violasaun seksual, violensia domestika iha sira nia uma inklui iha servisu fatin no kazu ne’e enjeralmente iha kapital dili deit.

” Kazu ne’ebé mak traballador sira hato’o iha KSTL nia impaktu ida mak wainhira nia sofre ona kazu violasaun hanesan ne’e, sira nia foka ba servisu menus tebes, tanba ne’e mak sira ba aprezenta ona kazu ne’e iha KSTL, atu nune’e bele hetan nia tuir justisa formal nian.” Tenik nia

Nia haktuir, Depois ami simu kazu ne’e KSTL sira ba iha Alfaela, atu nune’e nia justisa formal ne’e tenke la’o no hetan akompañamentu masimu husi Juridiku Alfaela no KSTL hodi to’o iha Ministériu Públiku.

Ikus Vise ne’e hatete, Agora dadaun iha prossesu trata dokumentus, wainhira remata sei prossesa ba iha tribunal no Ministériu Públiku, vitima sira ne’e hanesan traballador sira ne’ebé mak servisu iha kompaña no  balun hetan violasaun husi uma, depois mak aprezenta ba KSTL hanesan membru. LTS

Leave a Reply

Your email address will not be published. Required fields are marked *