FEATUREDGeralIkus LiuNews

Ekipa OMK Aktualiza Servisu Adezaun Ba “Lú-Olo”

Fahe Tutan

Naunil Média (Dili), Ekipa husi Organizasaun Mundiál Komérsiu (OMK) aktualiza serbisu adezaun nian ba Prezidente Republika (PR) Francisco Guteres Lu’Olo, tanba Timor-Leste hetan ona kalendariu indikativu atu bele kumpri.

Lia hirak ne’e hato’o husi Ministru Koordenador Asuntu Ekonómika no Chefe Negosiador Adezaun Timor-Leste ba Organizasaun Mundiál Komérsiu (OMK), Joaquim Amaral ba Jornalista sira, hafoin remata hasoru malu ho PR Francisco Guterres Lú-Olo iha palásiu Prezidensiál Nicolau Lobato Bairru Pite, Tersa, (23/11).

“Ita aktualiza ba PR kona-ba serbisu ne’ebé ita halo ona, ho servisu sira ne’ebé sei halo tan tempu sira oin mai tanba Timor-Leste hetan ona kalendariu indikativu atu bele halo tuir atu hodi kumpri, nune’e tempu sira ne’ebé Sekretariadu OMK mai Timor-Leste bele halo tuir no kumpri tuir tempu ne’ebé iha”, Dehan Xefe Negosiador Joaquim Amaral 

Xefe Negosiador ne’e mós hatutan, Serbisu ne’ebé halo ona mak ekipa submete ona dokumentus imput negosiasaun nian, kona-ba Bens servisu no ekipa mós simu ona imput husi estadu membru sira no dadaun ne’e prepara hela atu resposta no resposta balun fo tiha ona.

Membru akresenta, dadaun iha hela servisu interna nune’e bele identifika planu no lejislasaun sira no armoniza Regra sira ne’ebé OMK fo ba Timor-Leste

“Nune’e mós ita halo hela ita nia servisu interna hodi identifika ita nia planu lejislasaun sira ne’ebé ita presiza atu halo hodi armoniza hodi aliña ho regras no prosedimentu sira ne’ebé Organizasaun mundiál Komérsiu fo mai ita”, tenik membru guvernu ne’e

Tuir orientasaun no informasaun ne’ebé suporta husi orgaun soberania sira hanesan Prezidente Repúblika, prezidente Parlamentu Nasionál nune’e mós sosiedade sivil setor privadu sira hotu-hotu tenke hatene faze sira ne’ebé atu halo nune’e bele lori Timor-Leste integra iha sistema boot organizasaun mundiál komérsiu nian.

Tanba ne’e nia mós husu apoiu politika ne’ebé presiza tebe atu hotu-hotu hatene prosesu sira ne’e, nune’e ekipa sira halo servisu ho espíritu ne’ebé boot katak, iha apoiu ne’ebé aselera prosesu ne’e 

Iha enkontru ne’e Prezidente Repúblika mós fo  suporta no orientasaun, aleinde kumpri kalendariu, ekipa mós tenta haree no identifika situasaun real ne’ebé Timor-Leste iha, ho orgaun sira no sosiedade no elementu  ligasaun direita ho ekonomia oinsá bele tau matan,  liuliu Ministeriu sira ne’ebé involve iha prosesu adezaun ne’e, nune’e bele identifika dezafius no potensialidade ne’ebé Timor-Leste iha.*Jos

Leave a Reply

Your email address will not be published. Required fields are marked *