Sekoms: Husu RKT Ainaru Melhora Jestaun Operasional
Naunil Media (Ainaru), Bazea ba dadus asesmentu ne’bé realiza husi Sekretariu Estadu ba Komunikasaun Sosial (Sekoms), ho Diresaun Nasional Promosaun Dezemvolvimentu Media Lokal (DNPDML), halo Iha loron 19-24, Outubru liu ba.
Relata katak, aspeitu jestaun operasionál, programa no jerente Rádiu Komunidade lian “Tatamailau” (RKT), hasoru difikuldade tanba persentajem negativu iha jestaun operasionál negativu 51.4 % pozitivu 46.6 %, husi aspeitu programa rádiu negativu 71.3% pozitivu 28.6 %, enkuantu pessoál ne’ebé jerente ho % negativu 62.3, enkuantu parte pozitivu 37.3%.
Iha peskiza ne’e hodi hametin komitmentu no garante sustentabilidade investimentu públiku, garante kualidade servisu iha seitor komunikasaun sosiál no asegura utilizasaun investimentu públiku ba interse komunidade nian.
Sekretariu Estadu ba Komunikasaun Sosial (Sekoms), Merício Juvinal dos Reis “AKARA” hateten, Polítika Governu Konstituisional Da-Walu, liu hosi Sekoms, mak atu hasa’e prestasaun servisu husi meius komunikasaun sosiál sira iha teritoriu atu diversifika meiu komunikasaun sosial liu husi kanal sira inklui Radiu Komunidade “Tatamailau” Ainaro.
Sekoms Mericio Juvinal dos Reis “Akara,” hato’o afirmasaun ne’e, ofisiálmente abertura ba aprezentasaun rezultadu Persepsaun Públiku ba Rádiu Komunidade “Tatamailau,” Iha Salaun enkontru, Administrasaun Ainaru, Tersa, (23/11).
Governante ne’e husu ba jornalista no jerente sira atu servisu ho profisionál no la inklina ba grupu ne’ebé deit hodi promove paz no dezenvolvimentu iha komunidade.
Antes remata Ezekutivu ne’e garante ho assesmentu ne’ebé Diresaun DNPDML hala’o sei lori benefisiu ba Komunidade Ainaro liu husi Informasaun, Edukasaun, Divertimentu no Kontrolu Sosiál.
Iha fatin hanesan, Diretór DNPDML, Jose da Costa hateten rejultadu assesmentu hanesan la’os atu investiga hodi fo sala balu maibe rejultadu refere hanesan meiús ida hodi hadia di’ak liutan prestasaun servisu Rádiu Komunidade refere ba futuru.
Jose da Costa mós husu apoiu entidade hotu no liliu autoriedade lokál to’o munsipiu-Ainaro atu kontribui ba dezenvolvimentu Rádiu ne’e ba interese komunidade nian.
Iha fatin hanesan reprezentante Administrador Munisipiu Ainaro, Francisco Barros, hanesan mós Prezidenti Konsellu Rádiu “Tatamilau” Ainaro hateten, rezultadu peskiza ne’e uniku dalan atu hadia servisu rádiu nian ba futuru.
Entertantu, Governu liu husi SEKOMS desde 2015-2021 apoiu ona osan hamutuk rihun ne’en nulu resin ne’en, atus ualu sanolu resin, sentavus lima nolu, dolares amerikanu, liu husi Fundus Transferénsia Públiku ba Rádiu Komunidade Lian “Tatamailau” Ainaro.
Aprezentasaun ne’e realiza husi DNPDML no partisipa husi Comandante PNTL Munisípiu Ainaro, Funsionáriu Administrasaun Munisípiu Ainaro, Jestora no Jornalista Rádiu Komunidade “Tatamailau” Ainaro. Latu
