Lere Prontu Kandidata A’an Ba PR, Maibe Sei Husu Xanana

Naunil Média (Dili), Xefe Estadu Maior das Falintil-Forca Defeza de Timor-Leste (F-FDTL), Tenenti Jeneral Lere Anan Timur, deklara prontu kandidata a’an ba Eleisaun Prezidensial iha peridu tinan 2022-2027, Maibe sei husu apoiu ba Komandante Supremu Kay Rala Xanana Superemu.

Lere Anan Timur, Prontu ona atu kanaditata a’an ba Eleisaun Prezidensial ne’ebe sei realiza iha tinan 2022.

Xefe Estadu Maior das Falintil-Forca Defeza de Timor-Leste (F-FDTL), kdeklara katak, nia parte prontu kandidata a’an ba Eleisaun Prezidensial husi Partidu Frenti Revolusionariu Timor-Leste Indepedente (Fretilin).

“Ha’u hanoin katak sé maluk balun husi Fretilin nian, Hakarak kandidatu ha’u ba Prezidente Repúblika ha’u hanoin katak ha’u prontu, tanba hanesan ha’u dehan katak ha’u husik FRETILIN ne’e ha’u laiha moral, tanba familia tomak povu maubere mate ba FRETILIN, Dehan Lere Anan Timur ba Jornalista sira, hafoin remata enkontru ho Prezidente Repúblika Francisco Guterres Lú-Olo iha palásiu Prezidensiál Nicolau Lobato Bairru Pite, Kuarta, (24/11).

Hanesan segunda jerasaun Lere mesak ona, hamutuk ho Xanana ho Saudozu Ma’Hunu.

” Ha’u uluk kedas iha ai-laran mós ha’u FRETILIN, ha’u membru komite sentrál segundu jerasaun ha’u mesak de’it ona hamutuk ho ita nia maun Xanana primeira jerasaun no saudozu Ma’Huno foin dadauk mate ami nain tolu”, tenik Lere.

Lider maximu F-FDTL ne’e deklara katak, FRETILIN iha nia fuan nunka haluha no lulik tanba nia sai membru komite sentrál FRETILIN ne’e lá’os iha AC laran, maibé iha hudi tahan okos iha ran ho ruin nia leten ne’ebé diferente ho membru komite sentrál sira seluk.

Dadaun ne’e sei asumi nu’udar komandante F-FDTL maibé to’o tempu mak FRETILIN hakarak kandidata nia laiha duvida no aseita sai kandidatura husi partidu FRETILIN.

Nia dehan, agora seidauk hanoin atu kandidata, Tanba sei iha misaun nu’udar komandante F-FDTL maibé aseita wainhira FRETILIN hakarak kandidatu tanba uniku sobrevivente Primeiru jerasaun rezisténsia armada mak nia no la’ós komité sentrál enjeral.

Ikus nia dehan, bainhira hakarak atu kandidata a’an ba Prezidente Repúblika mós sei husu Xanana tanba nu’udar komandante supremu no Superior se Xanana dehan lalika mak nia prontu.

” Ha’u atu kandidatu ha’u nia a’an mós ha’u sei husu ha’u nia maun Xanana, tanba nia ha’u nia komandante supremu no Superior nia aseita ha’u kandidata mas dehan katak Lere Lalika ha’u prontu tanba kestaun konsiderasaun”, nia informa.*Jos