CAC Husu CCI-TL Fasilita “MPCC”
Naunil Media (Dili), Comisaun Anti Corupcao (CAC), husu ba Camara Comersiu Industria Timor-Leste (CCI-TL) fasilita Medida Prevensau Combate Corupsaun (MPCC).
Atu fasilita hodi hala’o aktividade sensibilizasaun b lei Nu.7/2020 kona-ba MPCC ba disoozisaun legal sira ne’ebe iha ligasaun ho papel krime seitor privadu iha ambitu korupsaun nian.
Komisariu CAC Serjio de Jesus Hornai, hateten, iha situasaun konkreta ida ne’e CAC ho CCI-TL nian hakarak halo parseria ida ne’ebe metin, liliu oinsa atu interoriza iha artigu sira ne’ebe temi sai hela iha lei MPCC nian mos sei sai vinkula aktus balu ne’ebe halo husi ita nia emprezariu sira iha setor pribadu,”Dehan Komisaris CAC hafoin halo sendibilizasaun ho CCI-TL ba iha MPCC nian iha salaun Delta Nova Tersa (30/11)
Nia hatuir, Bainhira sira ninia partisipasaun ruma ba iha konkretasaun sira ne’ebe mak estabelese entre setor privadu ho setor publiku estadu nian, ne’ebe iha kontratu ba iha instituisaun no mos ba konstrusaun sira ne’ebe mak tuir lei jestaun finanseiru nian.
Interesante no importante atu bele fahe informasaun sira hanesan nee, Atu iha konesimentu ida kle’an, ba iha promosaun no media sira kombate korupsaun nian.
Aktividade ho karakter obrigatoriu tuir Lei, atu ajuda emprezariu sira risku.
“Atividade ne’e ho karakter obrigatóriu tanba obrigasaun tuir lei, atu ajuda emprezariu sira hatene risku sira ne’ebé bele akontese iha futuru nune’e buka meius atu prevene risku sira ne’e, tanba ne’e, husu Sr. Prezidente CCI-TL atu hatun karta ne’e ho despaixu ba emprezariu sira hotu, husu atu partisipa” Nia esplika
Iha Fatin hanesan Prezidente CCI-TL, Oscar Lima akresenta, liu husi sensibilizasaun ida ne’e halo aproximasaun ho CAC.
” Nune’e ami koalia ba malu para atu sosializa CAC, nia kna’ar lolos, atu nune’e ami nia emprezariu sira atu halo buat ruma mos sei sukat.
Enkuantu atu fo subornu karik ita hotu hatene ona katak atu sukat ou la sukat, bainhira ema kaer kona ita ba para hotu iha prizaun Becora. LTS
