Kombate Total Pasagen Ilegal “Difisil”
Naunil Média (Dili), Xefe Estadu Maior Generál das Falintil-Força Defeza de Timor-Leste (F-FDTL), Tenente Jenerál Lere Anan Timur, Informa, Difisil atu kombate totalmente pasagen illegál iha fronteira terestre entre Timor-Leste (TL) ho Indonesia.
Tenente Jenerál, Lere Anan Timur, hateten, Kombate totalmente pasagen illegal iha Fronteira difisil, Tanba TL seidauk iha Komisaun Jestaun Fronteira (KJF).
“ Ha’u hanoin bele diminui pasagen illegal, Maibe atu konbate totalmente, atu buat ida illegal ne’e laiha liu difisil oituan, Tanba ne’ebá ita bele dehan agora seidauk iha KJF, Tanba Komunidade rua Hanesan husi Indonesia no TL nia kultura tradisaun karakter sira nia movimentasaun seidauk hatene”, Dehan Tenente General Lere Anan Timur, ba Jornalista sira, Iha Palásiu Prezidensiál Nicolau Lobato Bairru Pite, Kuarta, (01/12).
Nia haktuir, Atu konbate totalmente kona-ba sirkulasaun illegal ho komersiu illegal ne’e difisil uituan, mas bele redus, Pior liu tan kuandu seguransa mak fasilita fali.
Kona-ba seguransa fronteira ne’e desijaun politika, Força Defeza mak toma konta.
Ko’alia kona-ba seguransa fronteira ne’ebá ne’e agora desizaun polítika, Forsa Defeza mak toma konta seguransa fronteira, Indonézia kontente tebes tanba sira dehan Forsa rua mak servisu hamutuk no sira sei servisu hamutuk di’ak liu tan iha futuru.
Nune’e sira mos propoin ona atu forma KJF entre nasaun rua, Indonesia ho Timor-Leste, atu servisu hamutuk hodi jere fronteira ne’e la’os Militar de’it ona imigrasaun entre Ministerial.
Tenenta Jenerál ne’e akresenta liu tan katan, Fronteira baliza rai maran ne’e difisil Oituan atu konbate, tanba komunidade nasaun rua ne’ebé mak hela iha fronteira ne’e halo to’os no natar lutu mak haketak de’it.
Maibe Timor-Leste nu’udar nasaun soberania iha fronteira ho maritima tenke preokupa ba seguransa maritima nian, Nune’e no mós fronteira rai maran ida ne’e importante liu. Lere hakotu. *Jos
