FEATUREDGeralIkus LiuNews

Selebra Proklamasaun Indepedensia, Papa Francisco Felisita Lú-Olo Ho Povu TL

Fahe Tutan

Naunil Média (Dili) Santo Papa Francisco felisita Prezidente Repúblika Francisco Guterres Lú-Olo no Povu Timor-Leste tomak ba selebrasaun Loron Proklamasaun Independénsia ba dala-46 iha 28 novembru 2021.

Iha karta ne’ebé hakerek ba Prezidente Repúblika iha 28 novembru 2021, iha Sidade Vatikanu, Amu Papa Francisco hateten, Iha okaziaun loron proklamasaun da indepedensia TL, Aprezenta ba PR Cordias ho votus kresente harmonia no ko’operasaun kbi’it moris nian.

“Ba okaziaun loron Timor-Leste nian, Ha’u aprezenta ba Señor Prezidente no Povu felisitasoins cordias ho votus kresente harmonia no kooperasaun ho kbiit moris nian,  dezeja futuru ida hakmatek no ksolok ba Timoroan hotu-hotu bele hetan protesaun as  babeibeik.” dehan Komunikadu ne’ebé Naunil Média asesu iha média Prezidensiá Repúblika Kuarta, (01/12).

Santo Papa iha fulan juñu 2021 konfirma nia intensaun atu vizita Timor-Leste, hato’o liuhusi nia reprezentante Santa Sé iha Timor-Leste, Monseñor Marco Sprizzi, bainhira halo audiénsia ho Prezidente Repúblika. 

Santo Padre nia vizita mai Timor-Leste depende ba evolusaun pandemia Covid-19. Tanba ne’e, ba seguransa ema hotu ninian, Amu Papa husu ba  sidadaun idaidak  simu vasina atu hotu-hotu protejidu bainhira hala’o vizita ne’e mai Timor-Leste. 

Vizita dahuluk Santo Padre nian mai Timor-Leste akontese iha 12 outubru 1989 iha tempu okupasaun Indonézia.

Estadu, Igreja Katòlika no sarani tomak halo esforsu hotu-hotu atu iha vizita husi Santo Padre Francisco mai Timor-Leste ida ne’ebé ukun rasik-an ona.

Iha tinan-2015, Governu Timor-Leste asina Konkordata ho Vatikanu.*Jos

Leave a Reply

Your email address will not be published. Required fields are marked *