ADTL Realiza Kompetisaun Diskursu públiku Ba Ema Ho Defisiensia

Naunil Media (Díli), Diretór Ezekutivu Asosiasaun Defisiente Timor-Leste (ADTL), Sejariu da Silva, Informa ADTL realiza kompetisaun diskursu publiku ba ema ho defisiente atu bele dezenvolve sira nia kapasidade no mentalidade iha públiku

“Iha diskursu públiku ida ne’e ami hakarak alin estudante sira ne’ebé mak tuir kompetisaun diskursu públiku ida ne’e tenki hamrik iha fatin públiku ida para sira bele hatudu lolos sira nia mentalidade hanesan lider no hanesan kandidatu ba lider ne’e oinsa”,  Dehan Diretór ezekutivu ADTL Sejariu da Silva ba jornalista iha salaun ADTL, Kinta (02/12).

Diretór ezekutivu ADTL haktuir, realiza kompetisaun diskursu públiku iha Fatin publiku hanesan ne’e para ema hotu bele asesu.

“Diskursu publiku ida ADTL organiza ne’e diskursu públiku ida ne’ebé simples los, mesmu ho simples  maibé nia objetivu prinsipal liu hamaluk ona estudante sira, no hodi hanoin ona, i dezenvolve ona ita bo’ot sira nia ideia konaba inkluzaun defisiensia”,  Diretór esplika

Diretór ADTL hateten, situasaun ida ne’e mak ADTL hakarak hahu inisia diskusaun sira hanesan ne’e, sai hanesan referensia ba ami atu bele haree ona.

Enkuantu ba oin saida mak ita bele halo, no ita hakarak halo bo’ot liu tan ida ne’e.

“Ohin hahu ho partisipantes nain sanulu resin lima, maibé ita espera katak ba oin sei barak liu tan”. Nia informa

Nia sublina, atu hateten ba maluk sira, no liu-liu sira ne’ebé mak sei partisipa iha kompetisaun diskursu públiku ida ne’e labele hanoin dehan atu mai tuir kompetisaun ida ne’e atu manan buat ruma.

“Ita laiha buat ida ne’ebé valor bo’ot liu iha ne’e, maibé ita nia intensaun atu ita bo’ot sira mai kontribui ba asuntu ida ne’e”,  Diretór  ADTL hakotu. LTS