Faustino: PNTL Preparadu Asegura Natál Ho Tinan Foun
Naunil Média (Dili), Polisia Nasional Timor-Leste (PNTL), preparadu hodi asegura seguransa iha selebrasaun festeza Natal ho Tinan foun.
” Preparasaun PNTL ba iha festeza Natál no Tinan foun nian ne’e mak aprezenta saida mak PNTL prepara ba oin, oinsá atu asegura aktividades serimónia sira ne’ebé sei mai komesa iha dia 24 Dezembru to’o iha dia 1 Janeiru 2022″, Dehan Komadante Jeral PNTL, Komisariu Faustino da Costa, ba Jornalista sira, iha Palásiu Prezidensiál Nicolau Lobato Bairru Pite, Kinta, (02/12).
Nia haktuir, Natál ho Tinan foun katak atu fezteza hamutuk ho familia iha idadak nia Munidipiu, dadaun sidadaun iha Dili kapital ba munisipiu, tanba Dili sai hanesan fatin ba sidadaun buka moris.
“Nune’e kuandu tama ona festa familia nian ne’e, hotu-hotu sei ba ida-idak nia Munisípiu hodi feteza loron bo’ot Natal ho Tinan foun,” Tenik Faustino.
Ho nune’e Komisariu Faustino da Costa, Apela sidadaun sira ne’ebé uza transporte públiku labele obriga kapasidade no labele tula kapasidade kareta ne’ebé tula pasajeirus
” Komandu PNTL la tolera sidadaun sira halo viazen ba munisipiu hodi festeza loron bo’ot, maibe husu ba motorista labele obriga kapasidade liuliu pasajeirus, ho sidadaun sira ne’ebé uza transporte públiku labele hare’e kondisaun viaturas hanesan baibain kareta ne’e tula ema nain 20, maibé ita obriga para bele hetan to’o 40 pesoas,”, Haktuir nia.
Tanba ne’e PNTL prepara ona atu bele halo aktividade iha entrada husi Dili ba munisipiu, nune’e sidadaun sira bele halo viazen ho seguru.
Nia akresentaz Dadaun ne’e Komandu mós halo hela preparasaun ho parte igreza kona-ba futuru nesesidade aktividade ne’ebé sei kompleta ba iha loron natál no tinan foun nian.
Iha enkontru ne’e Prezidente Repúblika mós hato’o liuliu kona-ba Polísia Nasionál Timor-Leste nia intervensaun kontrolu liuliu ba transporte publiku sira ne’ebé halo movimentu sai husi kapitál ba Munisípiu.*Jos
