Organizasaun FF Apoia Umanitaria Ba GAAC
Naunil Média (Dili), Apoia husi Organizasaun Fiar Feto (FF), ba Gabinete Apoia Aktividade Conjuze (GAAC), oinsa atu hatutan doasaun ba sidadaun sira ne’ebe mak presiza, iha desjastre natuarais fulan hirak liu.
Vise Ko’ordenador grupu FF, Angela Corvelo Sarmento, hateten, Iha asaun real mai marka prezensa iha Gabinete Primeira Dama atu entrega apoia umanitaria.
” Apoia umanitaria ne’e kompostu husi sasan, kamiza, kalsa no roupa interior, hamutuk mil tal pesas, ne’ebé Simu husi organizasaun doasaun husi Nasaun Japaun, Nova Yorke, ho sira seluk ne’ebé ho laran luak apoia vitima ne’ebé sofre dezastre naturais ne’ebé foin liu ba”, Dehan Angela Corvelo Sarmento, ba jornalsita sira, iha GAAC, Palasiu Prezidente Nicolao Lobato Bairo Pitte, Kinta, (2/12).
Nia haktuir, objetivu entrega apoiu ba Gabinete primeira dama oinsá atu hatutan doasaun ne’e ba povu sira ne’ebé mak terus.
” Apoiu ki’ik oan ne’e sira fiar katak komunidade barak sei presiza no barak mak sei husu nafatin, tanba ho tempu ne’ebé mak ema prediksi katak iha tan dezastre mai, ho nune’e sira mós nafatin konvida ba maluk sira seluk ne’ebé laran luak hakarak apoiu ba komunidade sira prontu hatutan karidade komunidade sira ne’ebé presiza duni,” haktuir nia.
Iha fatin hanesan, Primeira Dama, Cidalia Mouzinho Nobre Lopez Guterres, hatutan, ohin Gabinete Apoiu Aktividade Conjuze simu apoiu husi grupu FF, no mós husi organizasaun rai li’ur, ne’ebé antes ne’e sira hasoru malu tiha ona.
” Ohin ami husi gabinete GAAC nian simu tan apoiu husi diresaun grupu FF nian, ne’ebé mak apoiu fó liu husi maluk sira ne’ebé mak iha rai li’ur, no mós liu Organizasaun ne’ebé mak durante ne’e hanesan ami hasoru malu iha tinan tolu ba kotuk”, Dehan Espoza PR Cidalia.
Nia dehan apoiu umanitaria sira ne’e sei apoiu ba vitima inundasaun, Insendiu, orgaun sira iha uma mahon vitima violensia bazeia ba Jéneru, liuliu sira ne’ebé violensia seksual, iha familia sira no sai ba hela iha uma mahon, no mos ba sira ne’ebe Gabinete identifika ona.*Jos
