Sobrevivente 12, Husu Tulun Lu’Olo, Fasilita Ba Halo tratamentu Rai Liur

Naunil Média (Díli), Kauza  husi akontesimentu Masakre Santa Cruz, Ne’ebe akontese iha loron (12/11), Milisia sira ataka joven sira iha Bairo Kintal Ki’ik konsege tiru mate joven balun,  no  Rezulta Manuel de Jesus Saldaña hetan tiru husi kelen.

Nune’e Sobrevivente Manuél de Jesus Saldaña husu tulun ba Prezidente da Republika (PR), Francisco Guterres Lu’Olo, atu fasilita lori ba halo tramentu saúde iha rai liur, tanba tinan rua nolu ona (20), kartus sei iha nia kelen to’o agora seida’uk hasai.

Sobrevivente 12 Novembru Manuél de Jesus Saldaña, hateten, Kartus ne’e tinan 20 ona, Halo ona tratamentu saúde iha rai laran, Maibé parte ain kartus iha laran moras nafatin.

“ Kartus ne’ebé iha hau nia ain ne’e tinan 20 ona to’o agora sei moras, Maske durante ne’e halo ona tratament saúde iha rai laran. Nune’e mai hasoru PR, Atu fasilita hodi halo tratamentu iha rai liur,” Katak Nia,  Dehan Manuél ba Jornalista sira,  iha Palásiu Prezidensiál Nicolao Lobato, Bairru Pite, Sexta, (03/12).

Nia haktuir, Ohin oportunidade tebes hasoru fila fali PR, Ne’ebé ne’e hasoru malu ona iha Maubes hodi rekomenda ona mora ne’ebé nia enfrenta dadauk.

“ Iha oportunidade furak ida ne’e ha’u bele hasoru PR hodi bele esklarese sai sofrimentu ne’ebé durante hau enfrenta,” Haktuir Manuel 

Nia hateten, Iha dia 12 Novembru nia ne’e milisia sempre buka hela de’it, tanba hanesan responsavel maximu Bairo nian, Iha loron (10/05/1999),  Milisia sira halo atakamentu iha ne’ebá mak rezulta sobrevivente ne’e kelen nia karuk rahun. 

“ Iha atakamentu ne’e iha Bairo Kintal Ki’ik, iha tinan 1999, joven nain lima lakon vida ne’e mak ha’u nia kolega no alin sira, no hau nia ain tohar,” Nia Esplika.

Nune’e nia parte husu ba Governu liu hosi, Konsellu Kombatentes Libertasaun Nasional (KKLN), tempu to’o ona atu hare’e joven sira ne’ebé fó nia vida luta libertasaun.

Manuél informa, Governu tenke halo tratamentu ho dignu ba sira ne’ebé uluk luta ba rai ida ne’e.

Iha sorumutu ne’e  PR mós simu preokupasaun hirak ne’e, Nune’e sei husu hein oituan, Sei hein uituan maibé sira esforsu ho saúde husi husi rasik mós esforsu maka’as, Kordena ho veteranus sira nune’e hare’e hamutuk médiku ruma atu bele ba halo tratamentu iha rai li’ur.*Jos