Prevene Violensia Kontra Feto No Labarik, RCD Realiza Formasaun
Naunil Media (Dili), “Foinsa’e luta hodi prevene violensia kontra feto no labarik,” Sai hanesan tema espesial ba aktividade formasaun, Rotaract Club of Dili (RCD), Ne’ebe realiza iha Suku Madohi, Durante loron tolu.
Tema “Foinsa’e prevene violensia kontra feto no labarik,” Nune’e mos prevene konflitu hodi kria paz no estabilidade iha Timor-Leste (TL)
Aktividade ne’ebe RCD realiza iha Suku Madohi, durante loron tolu, kompostu husi aktividade, Formasaun No Teatru.
Xefi Komisaun Organizadora, Pricilia Gomes dos Santos, hateten, objectivu husi aktividade ne’e mak, Oinsa atu prevene konflitu hodi kria paz no estabikidade iha Suku Madohi.
Nia haktuir, Liu hosi aktividade teatru bele hasa’e konesimentu juventude sira nian atu evita konflitu.
” Liu husi teatru ne’e mós bele hasa’e konesimentu juventude sira nian, Nune bele muda sira nia pensamentu hodi evita konflitu, atu bele kria paz iha TL,” Dehan Xefi Komisaun, Pricilia Gomes, ba jornalsita sira, sede suku Madohi, Domingu, (5/12).
Iha fatin hanesan, Xefe suku Madohi, Bernadino de Cristo Fereira, Apresia ba RCD tanba bele organija ona aktividade ne’e.
” Apresia tebes ba RCD tanba bele realiza aktividade ida ne’e, nune’e bele prevene violensia ba jeneru no evita konflitu iha suku Madohi ne’e rasik,” Tenik nia.
Lider Komunitaria ne’e, Informa, Aktividade ne’e importante tanba ligadu ho nia misaun.
Entertantu, Aktividade realiza tanba hetan apoiu husi parseiru, GIZ Timor-Leste, inklui Ajensia Internasional husi Alemana. Gio
