Komemora Loron Invazaun, Arte Moris Halo Pintura Nakloke Ba Publiku

Naunil Média (Díli), Atu komemora loron invazaun Indonesia iha Timor-leste, Ne’ebé monu iha loron (7/12), Arte Moris sei komemora ho pintura nakloke ba públiku. 

Tinan-Tinan Arte Moris sempre komemora loron importante (7/12), ho pintura nakloke ba publiku, Hanesan reponsabilidade nu’udar artista ba foin sa’e sira atu hetene historia. 

Maske dadaun hasoru hela situasaun ne’ebe soke hela sira nia fuan, Maibé artista sira ne’ebé hamahan a’an iha Arte Moris, Nafatin iha responsabilidade hodi hatudu sira nia komitmentu no responsabilidade ba joven sira.

Prezidente Asosiasaun Arte Moris, Iliwatu Danapere, hateten, Komitmentu nu’udar joven no mós hanesan artista iha responsabilidade parte edukasaun sivika nian koko fó nafatin lembrasa ba foinsa’e sira hatene historia. 

“ Maske hasoru hela situasaun ne’ebé ita hotu akompaña, Maibe ami sei nafatin iha komitmentu no responsabilidade nu’udar artista, Nafatin komemora loron importante ida ne’e, liu hosi aktividade pintura ba Públiku ho teatru,” Dehan Prezidente  Iliawatu, Ba www.naunil.com. Iha nia rezidensia Arte Moris, Segunda, (6/12).

Maibe Situasaun ne’e lahamate sira nia espiritu, mantein nafatin fó lembransa ba foin sa’e sira.

“ Situasaun ne’e kona hela ami, maibé ami nafatin asegura hela ekipamentu sira ne’ebé atu halo aktividade pintura,” Tenik nia.

Prezidente Iliwatu haktuir, Bainbain ne’e sempre buka espasu iha fatin seluk atu hetan partisaun maximu, Maibé ho situasaun ida ne’e aktividade ne’e sei realiza de’it iha resintu Arte Moris Beto.

 Aktividade ne’e nakloke ba publiku, nune’e Prezidente Asosiasaun ne’e, husu ba foinsa’e sira ne’ebé iha interese bele partisipa.

Aktividade ne’ebé Arte Moris sei realiza mak hanesan, Pintura, Poezia, Teatru, ho muzika.

Relasiona ho akttivadade ne’e Arte Moris, mós husi ona lisensa ba autoridade segurasan Munisipiu Dili nian. Latu